أنطوي ،، و ما غير الله بي عليم ،،
و أنحني ،، و أقول يا ربي فرجها علي ..

(F) (F)

أسامة بن زيد ،، قلعة موسى ،، لبنان ،، 22-7-2010

يعني كإن الناس زهقت و بطّلت وراها شغلة غير إنها تتزوج !! فقلت يا أسامة خليك أحسن منهم و بارك للأسود – سابقاً – >> الأرانب – حالياً – بمناسبة الزفاف الميمون ،، و إن شاء الله عاد يتذكرونا !!

طبعاً هو أول من افتتح الموسم كان محمد عبد العزيز بتاريخ 11-6-2010 ،، و أحلى شي إن افتتحه بنفس يوم كأس العالم ،، كان عرس حلو – ما شاء الله – و أحلى شي كان محمد و هو بدو يتخانق مع تبع الDG لوووووووووووووووول

============

عادل الكثيري – الخبير الاقتصادي – كمان استغنى عن صحبتنا و راح لحضن الغير D: ..

============

وليد الطه ،، ما شاء الله ما شاء الله ما شاء الله ،، كثير كان مرتب العرس والله ..

============

عبد السميع الجبوري >> كان عرس غير بصراحة !! أول مرة أحضر عرس مغاربة ،، و الأحلى منهم هيك إن ما شاء الله يعني فرشوله البيت كله بعشر دقايق !! من الذهب للموز والله !! الله يهنيه يا رب :) :)

============

هيييييييييييييييييييييييييييييييييه ،، عاد هذا يوسف !! شو بدنا نقول لنقول ،، تركني و راح يدوّر ” حنان ” !! والله من أحلى الأعراس إللي بحضرها بحياتي ما شاء الله ،، كثير انبسطنا مع الأهل و القرايب و الأصحاب و رفقة السفر و الكل ، كان شي ” فاخر ع الآخر ” ،، و الأحلى من هذا كله كانت ” الجَمعَة ” هناك .. إن شاء الله ببقى بكتب موضوع بس عن سفرة لبنان :)

============

مبروك محمد عبد العزيز ،، مبروك مبروك عادل ،، مبروك وليد ،، مبروك عبد السميع ،، مبروك يوسف

الله يهنيكم كلكم إن شاء الله يا رب ،، و تنشوف وين بدرجات الأرانب راح توصلوا !!

============

و السلام عليكم و رحمة الله و بركاته

في أوقات ،، لازم بو شهاب

يعني شو هالدلع إللي انا فيه الحمد لله !!

أوصي على كت كات من بريطانيا ،، أربح معه كراتين كت كات الحمد لله !! و عطر جوتشي و توم فورد كمان !!

يعني يوصلني كت كات من بو شهاب ،، و كمان بو خالد !! و لسه ناصر كمان إن شاء الله جاي بعد كم يوم !!

يــــــــــــــــا الله لو ما بتحرجوني يا جماعة الخير

إحم إحم فديتني والله ..

:) يسلمو يسلمو ،، و الحمد لله على سلامتكم مرة ثانية :)

أغّــار لآ شَفّتھـم گلھُــم يبّونـــگ
رۆووووووح قُــول لھَــم ..!!

`«\•~[  أســـــــــامة ] ~•/»`
بالقُلـب عنّديــَۓ تگفينيــۓ  :$ ≈

أسامة بن زيد ،، قلعة موسى ،، لبنان ،، 22-7-2010

ʚϊɞ كل عام و إنتي بخير إيمان ʚϊɞ

.. و عقبال 04101985 سنة إن شاء الله يا رب ..

إن شاء الله تكون عجبتكم مفاجأة المكتب !!

:) You Are The 1st; & Will Remain The 1st :)

دزّوا معاي ،، جبل نيبو ،، الأردن ،، 14-5-2010

i i i i i i WaaaaaaaaaaaaaaaaaaNT

to say thank yooooooooooooou Bu ShHaB

وصلت لأنامل أسامة بن زيد آخر اختراعات شركة Apple

جهاز الـ iPad

.. قولوا ” ما شاء الله ” ..

يعني مش عارف شو بدي أحكي !! إحم إحم ،، متفاجئ بالهدية ،، فديتني والله و أنا مستحي ههههههههههههههههههههههه

تنشوفه و نتعلم عليه هلأ إن شاء الله ،،

==========================

جاي ع السريع :

* بعدني لهلأ في المكتب !! عنا new release و شغالين عليها الحمد لله أنا و الشلة اليونانية << تذكرت لما عملت حادث زمان تاريخ 4-8-2009 >> بتتذكريه يا بنت صبيح ؟؟؟

* امتحنت فانيل HCI ،، إن شاء الله خير يا رب و نخلص من هالمادة ..

* أحلى شي بالموضوع إني من كم يوم كنت مع يوسف عم نحكي عن التحريات >> ما شفنا إلا سيارات التحريات وقّفتنا !! >> اليوم كنت عم بحكي مع يوسف عن الـ iPad ،، بس روّحت عن المجلس إلا أ.ب.ت بقولي طلبت 2 واحد لإلي و واحد لإلك ،، تفضل ..

فديتك أنا و فديت المجلس يا شيخ

شو الشور يوسف ؟؟ Range Rover المرة الجاي D:

==========================

خلص خلوني أرجع أكمل الـ Installation & Implementation لو سمحتوا و برجعلكم بعدين إن شاء الله على خير :-)

==========================

إن شاء الله SoooooooooooooooN 2 Jordan

و السلام عليكم و رحمة الله و بركاته

يا قرة الأعيان يا باني الأمجاد ،، محمد و يهنى به المجد بو خالد

يعني بصراحة حركتك اليوم يا شيخ ما بعرف شو بدي أحكي عنها !!

ذبحتنا كلنا بهذا التواضع !!

شرح الموقف: عند لحظة تكريم فريق الإمارات بالميداليات الذهبية ،، قدّم حارس نادي الإمارات القفازات للشيخ محمد بن زايد عشان يوقع عليها ،، يبدو أن الشيخ محمد وجدها مبللة بالعرق ،، فأراد أن يعملنا درس بـ ” التواضع ” ،، و مسحها بكم ملابسه ..

والله كبيرة !!

- من نهائي كأس رئيس الدولة لكرة القدم -

سيد الأسياد ( محمد بن زايد )

غناء: أصيل أبو بكر سالم
ألحان: عادل الخميّس

======

زايد أبوك إللي على الطيب زايد

لولا الشرطة ماكانش أمان ،، والقوي كان أكل الغلبان
دايما أشوفهم أنا في ميدان ،، أو في الشارع كالفرسان

يعني منيح إني أجلت كتابة الموضوع ” 24 ساعة ” بس !! من فترة و أنا بدي أكتب عن شرطة أبوظبي ،، يعني ما شاء الله ،، ما شاء الله ،، ما مر علي شرطة نفس هيك من قبل ،، يعني صارت مواقف بيني و بين شرطة أبوظبي و دبي و الشارقة و رأس الخيمة و السعودية و الأردن و سوريا و لبنان و المغرب !! بس فعلاً مثل شرطة أبوظبي ما شفت !!

في كذا شغلة بصراحة متميزين فيها ،، أول شي ” الهدوء ” يعني بالعادة لما يوقفك شرطي ولا شغلة بتلاقيه بخانقك و معصب و بحكي معك كإنك قاتله حدا من أهله >> غير إن في ” بعض المرات ” بستحقرك بحسهم !! خصوصاً برا يعني ،، شرطة أبوظبي الحلو فيها إنهم فعلاً يعني غيّروا صورة الشرطة إللي ” بتخوّف ” و دايماً مواكبة للأحداث !! يعني مثلاً لما كانت سباقات الفورمولا هون بأبوظبي ،، نزلوا سيارة الصقر إللي زي سيارات الفورمولا ،، و بتلاقيهم دايماً في المولات عاملين نشاطات للأطفال توعية و سلامة و هيك شي ،، حتى برمضان بكونوا واقفين بالشارع بوزعوا تمر و مي للناس ،، نزلوا سيارات نيسان جي تي و كمان كامارو ،، ممممم حملة ” أترك مسافة قبل الحسافة ” كمان كانت شغلة حلوة كثير ،، ” الفن ” في متابعة المخالفين !! << هاي النقطة راح أحكي عنها بعد شوي إن شاء الله ،، دعاية شرطة أبوظبي للدوري الإماراتي و كيف إن السيارة و لاعبين الشرطة مشاركين في المباريات (( مع وزارة الداخلية )) الشرطة المجتمعية إللي سووها كمان ،، ما بعرف كمان شو صار بأبوظبي و نزلوا دراجة حلوة كثير لإلهم:

هذا غير الدراجات الصغيرة إللي نزلوها عشان الكورنيش و و الشواطئ ،، يعني والله في كثير أشياء عم بحاولها أتذكرها ،، و يا ريت لو حدا منكم بتذكر شي كمان يذكرلنا إياه ،، مممممم آه صحيح والله في موقف صار معي مرة ،، مرة دعمت واحد على دراجة نارية ،، هلأ إجت الشرطة و إجت الإسعاف و رحنا خلصنا التخطيط و أنا كنت ناطر إللي خبطته ليطلع من المستشفى ،، إللي عجبني هذاك اليوم ،، إن الشرطي إللي إجا يخطط الحادث ،، أخذ رقم تلفوني عشان يطمن علي و يطمن شو بصير معاي بالحادث و مع الزلمة إللي خبطته ،، و بعدنا لليوم على إتصال الحمد لله ،، هذا الحكي من صيف 2007 :) ،، طبعاً في موضوع المشكلة إني ما بقدر أحكي فيه هون بصراحة !! بس فعلاً تعاملت مع ناس بالشرطة بقمة الرقي و الاحترام !! ،، هلأ وين المشكلة ؟؟ صحيح إن نحن مرات بنقعد مننقهر لما حدا يوقفنا ولا يخالفنا ،، و لا بنشوف إنهم زودوها شوي في بعض المخالفات !! << بس ما قدر أعلّق على هذا الشي بصراحة D:

هلأ تعالوا أحكيلكم شو صار معانا مبيرح ،، مبيرح إتصلي نشوان قال بدو يروح يشوف مصرف الهلال شو عاملين على الكورنيش ،، قال عاملين معرض سيارات و ما بعرف شو و فائدة مخفضة إذا بتوخذ السيارة عن طريق مصرف الهلال و و و وو و و و و يلا يا أسامة

رحنا ،، شفنا السيارات ،، و كالعادة ،، شرطة أبوظبي كانت موجودة في الحدث ،، مع إن بصراحة ما توقعت تكون الشرطة موجودة بهيك شي !! إن يعني مو هالشي الكبير إللي تقول ممكن الشرطة تكون موجودة !! بس الناس تركت المعرض و قعدتت تتصور بسيارات الشرطة ،، و نحن منهم :-)

أنا بالكامارو >> شوفوا الشرطي إللي ع الجنب:

الكامارو و الجي تي:

إحم إحم // حــــــوّل :

هون الحلو بهاي الصورة إن نشوان ما كان بدو يلبس الخوذة ،، و الشرطي بقوله ما بصير لازم تلبسها ،، و نشوان بقوله بخرب ” الجل ” و تسريحة شعري ههههههههههههههه :

و هاي الصورة // لوحة فنّية //:

أسامة في الرابتر:

لا تركزوا على وجهي // ركزوا على Made in UAE :

هدول الصورتين ،، الظاهر الأخ طلال خوري حاط سياراته هناك ،، قلت أعمل جو شوي في الأرقام D:

==========================

هلأ هذا الموضوع كان لازم أكتبه مبيرح ،، بس تأخرت شوي في الكتابة ،، و صارلي موقف جديد اليوم و كان معاي يوسف << طبعاً ما بحتاج أقولكم مين يوسف ،، مهو ما شاء الله بصمته بكل المواضيع :-)

اليوم مريت على يوسف على أساس بدنا نطلع نقعد بمكان برا ،، المهم ،، دخلت بالخالدية و طلعت ع الشارع الرئيسي // هلأ أنا صرت بالحارة الأولى من ع اليمين ،، حتى والله يمكن مو بالحارة الأولى ،، بالحارة الصغيرة إللي بتكون موجودة للي طالع من دخلة !! و الظاهر إني زودتها شوي و كنت و بدي أروح ع الحارة اليسار ،، من أقصى اليمين لأقصى اليسار ،، و ما خليتها بنفسي والله D:

لقيتها ،، و ضليتني ماشي ،، (( في هذه الأثناء كنت عم بحكي مع يوسف عن سيارات التحريات الجديدة )) شفت سيارة لكزس وراي ،، ما شاء الله عليها ،، سيارة آخر موديل و عليها رقم أبوظبي رباعي أحمر ” مرتب ” !! قعد يولعلي الضو العالي ،، و أنا مطنّش !! قلت يمكن هذا واحد لفيت عليه و بدو يسب !! فقلت يا أسامة ” إعقل ” و بلاش تتخانق مع العالم هلأ !! و صلنا لعند مجوهرات المنارة و بريستيج للسيارات ،، و الزلمة بلف وراي من حارة لحارة ،، قلت يمكن واحد من الشباب أصحابي و حاب يتزانخ علي ،، نزلت الشباك شوي ،، شفته من المراية ،، قلت ما بعرف ،، رفعت الشباك و ضليتني ماشي D: ،، وصلنا للإشارة إللي بعديها ،، إجا جنبي ،، أنزّل الشباب ولا ما أنزّل ،، أنزّل ولا ما أنزّل ،، إلا يوسف بقولي نزّل شوف شو بده ،، نزلت الشباب ،، ما بشوف غير بإيده جهاز اللاسلكي بحكي مع العمليّات الظاهر ،، تطلع فيني و قالي // معاك الرائد فلان الفلاني وقف في الباركينج لو سمحت ،،

لوووووووووووووووووووووووووووووول

و يا حبيبي ده إللي يخاف من العفريت >>> يطلعله

وقفنا في الباركينج ،، إجاني ،، و أنا بعدني يعني قاعد في السيارة !! مو إن أنزل و أحكي مع الزلمة ،، بس احترمت حالي و بدون ما يسألني أعطيته الليسن و الملكية D:

و صار بينا النقاش التالي:

التحريات: يعطيك العافية ..

أسامة: الله يعافيك يا رب ..

التحريات: انتبهت شو سويت ؟؟

أسامة: ولا شي ،، شفتك بصراحة عم بتعطيني الضو العالي بس فكرت إني لقيت عليك بالغلط و جاي بدك تخانق و ما حبيت بصراحة أتخانق

التحريات: لا ،، قبلها شو سويت عن الإشارة ؟؟

أسامة: آآآآآآآآآآآآآآآه إنت بتلحقني من هناك

التحريات: هاي لفة إللي لفيتها ؟؟ من أقصى اليمين لأقصى اليسار ؟؟ إنزين كمّل للإشارة إللي قدام و لف ياخي !!

أسامة: والله كنت طالع من الزحمة و و و و و و و

التحريات: و ليش ما وقفت ؟؟ ولا ما قدرت تشوف من المخفي ؟؟ يعني 3 مخالفات ،، اللفة و المخفي و عدم الإنتباه .. يعني تعرف هاي شو مخالفتها ؟؟ سجن أسبوع و شهر حجز للسيارة !!

يوسف تدخل: والله شفناك بس بصراحة يعني ما كنا عارفين إن هيك سيارة برقم حلو ممكن تكون سيارة تحريات :-)

التحريات: الحين عادي توقع نطلعلك من كل مكان ،، بورش أودي بي أم باص تكسي فان أي شي ،، فتحمل و إنتبه على عمرك

أسامة: أشرتله بأصابعي على عيوني ،، و قلتله // من عيوني ;)

التحريات: على كل حال الله يحميك و هاي المرة ما بخالف ،، بس أنا سجلت رقم السيارة و إذا توقفت في المستقبل بكون مسجل إن هاي السيارة خالفت قبل

أسامة: يعطيك العافية ،، يسلمو كثير

التحريات: في أمان الله

..

بصراحة ،، ما راح أقول غير إن الزلمة // OOOVVVEEERRR محترم كان بتعامله معانا ،، يعني والله إني استحيت منه !! هذا و أنا آخر مرة استحيت فيها كانت يمكن من عشر سنين !!

.. التعليق على هذا الموقع بترك فيه المايكروفون لأخوي يوسف يعبّر عنه ..

..

هذا موقف بس حبيت أذكرلكم إياه عن طريقة شرطة أبوظبي في التعامل مع الجمهور بصفة عامة ..

============

جاي في السريع //

* اللهم احفظ هذا البلد آمنا مطمئناً و جميع بلاد المسلمين إن شاء الله يا رب ..

* الأحد الجاي ،، مو بكرا ،، الأسبوع إللي بعده إن شاء الله عندي فانيل بالماجستير >> يعني دعواتكم لو سمحتوا ..

* إن شاء الله أقدر أحافظ على نفس مستوى الكتابة و أحسنه أكثر و أكثر و الاستمرارية بين المواضيع ..

* شو كمان ؟؟

* ممممممممممممممممم .. U CAN ؟؟ << الحكي موجّه لشخص هو عارف حاله ..

============

مسج التدوينة :: إمشي عدل ،، يحتار التحري فيك :-)

و السلام عليكم و رحمة الله و بركاته

====================

.. SooN 2 Jordan إن شاء الله ..

و أخذت من فلسفة هتلر عدم الإلتـزام .. وكسبت نفسي و ريّحت القلـق والضـمير
و أبشرك حــــالي دايــم على ما يـرام .. من ركعتين الصباح إلين عقب الأخير

طبعاً يمكن كلكم صرتوا تعرفوا إني إذا ما لقيت حدا أحش فيه ،، بصير أنكش مخي بأي شي بيجي على بالي

المهم هاي المرة بدي أحكلكم عن ” الحال على ما يرام ” ،، أبد الحمد لله ،، كله تحت السيطرة

الشيب ؟؟ شو الشيب ؟؟ ما فيني شيب بالمرة !! صحيح إني مرة كنت واقف في الطابور ،، في المدرسة أيام الثاني ابتدائي ،، و إجا المدرس كان بفتش على الأظافر و الشعر >> عشان الصحة العامة ،، و صحيح إنه قالي يومها // شو يا أسامة بشوفك شيّبت ؟؟ و صحيح إن ردي كان يومها // أستاذ شو يعني ” شيب ” ؟؟؟

ما بعرف هاي الأشياء بالمرة ،، بالرغم من إنهم حكولي إنها عم بتزيد !! و بالرغم إن صار عمري 24 سنة بس !! و بالرغم و بالرغم و بالرغم ،، بس خير ؟؟ شو إلك عندي ؟؟ حر أنا ،، ” الشيب وقار ” :)

و صحيح إنهم عم بتساقطوا هلأ لشعراتي ،، بس عادي ،، شو يعني ؟؟ بنصلع على بكير !! أحسن من غيرنا ؟؟ طبعاً أحسن من غيرنا ،، بس من باب التواضع ،، حاب أتساوى أنا و الناس بهاي الشغلة ..

====================

صحيح إني كنت بالأردن من كم أسبوع ،، و صحيح إني رايح على الأردن بعد كم يوم إن شاء الله ،، و بالرغم من إنهم حكولي عندي ديسك بالعمود الفقري بين الفقرة الخامسة و السادسة ،، و صحيح إني بدي أسوي العملية ،، و بالرغم من إن الوالد طلب مني أأجلها شوي ،، و صحيح إني بعدني متنح من باب إني أسويها و أخلص ،، بس بالرغم من هيك ،، شو يعني ؟؟ هيني قاعد على الكمبيوتر زي ما أنا ،، و أكثر كمان !! صحيح إنها يعني صعبة و مش سهلة خصوصاً إنها بالعمود الفقري و أي غلطة ممكن لا قدر الله يصير من وراها شلل ( لا قدر الله – لا قدر الله – لا قدر الله ) ،، بس بالرغم من هيك الدكتور طمنّي الحمد لله و قالي جسمك ما فيه دهن كثير أو إن وزني كثير إللي يصعّب الموضوع ،، و صحيح إني حاب أسويها و أخلص ،، بس شكله راح نتفاهم عليها أنا و أبوي بس أنزل إن شاء الله بعد كم يوم

توضيح // الصورة إللي فوق هي نفس المشكلة إللي عندي ،، شايفين كيف ” ضيقة ” بين الفقرة الخامسة و السادسة ؟؟ هذا إللي صاير فيني :)

====================

خلص عاد بكفي // بالرغم و صحيح و بس و بما إن // و هالحكي ،، إحكي زي الناس يا أسامة << تواضع تواضع والله

هذا يا إخوان أنا في عندي مشكلة بأصبع رجلي الكبير من لما كان عمري 5 سنين أو 6 سنين ،، كان دايماً يفوت الأظفر جوا اللحم ،، و بعدها المشكلة فيني لغاية ” هذه اللحظة ” !!

من فترة بلشت كثير توجعني ،، تركتها كم يوم ،، بلشت تزيد ،، طنّشت أنا ،، بس بعدين ” معدش فيي ” صار لازم أعمل شي ،، قمت بلشت أنا بدي ألعب فيها ،، أدهم على ميكروكروم على إختامول مدري إشتامول << والله ما بعرف شو إسمه ،، على معقمات و مطهرات و قطن و كريمات ،، و وين ما أروح حامل معي كيس العدة ،، قصدي كيس الدواء و أزبط فيه لهالأصبع !!

بعد كم يوم ،، خفت النفخة ،، بس كإن الوجع كان عم بزيد ،، قلت خلصصصصص لحد هون و بكفي ،، صار لازم تدخل جراحي يا أسامة ،، و فعلاً ،، رحت على الصيدلية و جبت إبرتين (( وحدة للعملية و الثانية من باب الاحتياط D: )) ،، قلت بدي ” أفجّر ” النفخة من العمل (( الخرّاج )) إللي فيها ،، قمت غزيت حالي الغزة الأولى ،، و آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه آآآآآآآآآآآآآآآه لو تدري حبيبي شو صار بأصبعي !! ما نزل غير دم !! ما طلع العمل !! يلا مو مشكلة يا أسامة ،، كمان وحدة في جهة ثانية من الأصبع ،، دخلت الإبرة على الأخير ،، و أمممممممممممممممممم العمل إللي مو راضي يطلع !! كمان مرة دم !! قلت خلص الثالثة ثابتة >> بس قلت راح أخليها بنفسه لهالأصبع مرتين نزيف بكفي !! مش راح أتعب حالي بالثالثة !!

رحت لعند الدكتور ثاني يوم ،، طبعاً الدكتور هو نفسه الدكتور إللي كنت أروحله من لما كان عمري 5 سنين !! و بلش ،، يا ويلي على الوجع !! مش طبيعي ،، أحلى شي الدكتور شو بقولي // ليك إبني :: أنا شفت ناس جسمها بتأثر بالوجع ،، بس مثل حساسية جسمك ما شفت ،، و ليك كمان :: أنا شفت أصابع ” رزلة ” بس مثل أصبعك ما شفت هههههههههههههههههه

هو الطبيعي الأظفر بكون مقوّس شوي ،، و الناس إللي عندها مشكلة بكون مقوّس كمان زيادة شوي ،، أما عندي جاي ” نص دائرة ” الحمد لله و نازل منيح باللحم :)

بلش الدكتور يحفر و ينظف و يشيل و يحط و يغسل و قطن و مرهم و إبر و و و و و وو و و آآآآآآآآآآآآآآآآآآآآآه يا أصبع رجلي ،، عن جد وجع !! الحمد لله ،، هلأ صارلي 11 يوم عم بروحله للدكتور ،، و إن شاء الله في تحسن ،، لأن الدكتور قالي إذا ما تحسن بعد كم يوم للأفضل >> راح نضطر نعمله جراحة ،، قلتله دكتور إعملها و خلص من شان الله ،، قالي يا ابني ما بفيد على حالة أصبعك لا العملية بهالسرعة ،، و لا حتى نشيل الأظفر ..

بتعرفوا شو أحلى شي بالموضوع >>> إني بروح على الدوام بالحفاية >> مرتاح الحمد لله ،، بس كل ما أشوف واحد لازم أقوله القصة كلها !!

====================

جاي في السريع //

* النغزة إللي تحت قلبي رجعت تجيني الحمد لله ..

* عيوني كمان شوي شوي عم ترجع مشاكلها !! طبعاً ما بحتاج أقولكم السبب !! << البعد عن الحبايب

* اللثة من جوا عند آخر سن على اليمين كمان عم بتضلها منفوخة !!

* المرة الماضية أسامة كان على حافة إنهيار عصبي >> و شكلي بعدني واقف على نفس الحفة !!

* الموضوع الجاي إن شاء الله محتار أكتب تبع ” بكرا بس تكبر ” ،، ولا ” خرطستان ” ؟؟ إنتوا شو جاي على بالكم تشوفوا أول ؟؟

* مش عم بنــــــــــام !!

أه صحيح ،، هذاك اليوم قاعدين في المجلس على العشاء ،، إلا أ.ب.ت بقولي أسامة أكلك مو عاجبني بالمرة !! لازم تشوفلك حل ،، شو هالأكل إللي عم توكله !! كل يوم فتوش و رز رز رز رز رز كل يوم !! بدّل ياخي !!

ثاني يوم شافني صلاح البدري ع العشاء كمان بالمجلس ،، شو بقولي >> أسامة ليش هيك صاير أكلك ،، نوّع شوي !!

مدري والله !! مدري يا نـــــــــــــــــــــــــــــاس !!

====================

هلأ نحن بنقول الحمد لله يا رب ،، و الله يجعلها كفارة عن ذنوبنا يا رب !!

الحلو بالموضوع إن هذا و لسه عمري 24 سنة ،، كيف بكرا لما أكبر ؟؟

على كل حال // كلام يوصلكم و يتعداكم ::

قل للتوجع لن تقل عزيمتي ،، الصبر زادي و الجنان هي الثمن

فديتني والله

و السلام عليكم و رحمة الله وبركاته

====================

.. SooN 2 Jordan إن شاء الله ..