السلام عليكم أيها القوم ،، يعني بتعرفوا إن اليوم آخر يوم بسنة 2014 إن شاء الله على خير ،، و مثل ما عملنالكم ملخص لسنة 2013 السنة الماضية ،، حبينا نعمللكم واحد جديد هاي السنة ،، بس إن هاي المرة حسب تسلسل الأحداث و الشهور ..

على بركة الله ،، نبدأ ..

يناير ،، شو صاير //

السنة الجميلة بدأت بموعد عند دكتور الأعصاب !! عشان رقبتي و الديسك و حركات ،، كيف بس ؟؟ شغلة ،، و هل يوجد ما هو أجمل من أن تبدأ العام الجديد بموعد عند الدكتور ؟؟

أما في نص الشهر ،، طلعنا رحلة صيد ،، وصدت سمكة كبيرة شوي (مقارنةً بللي كنا بنصيدهم) ،، و من كثر الفرحة ،، طلبت من أخوي وائل العثمان إن يطلع تلفوني من الشنطة و يصورني ،، المهم وائل طال التلفون ،، إجت موجة ،، هز القارب ،، وقع التلفون بالبحر ،، بح !! بح الآيفون !! أصلاً عادي !! و شو يعني ،، إلا هو تلفون 😀 😀

بس نهاية الشهر كانت جميلة ،، شرفتنا سمية صالح عبد الهادي السعدي – حفظها الله و رعاها – على الإمارات هي و ديانا و رانيا ..

فبراير //

راح أختصر فبراير بيوم واحد ،، 17-2-2014 ..

مارس ،، ما مارس //

زحمة مواعيد ،، و مراجعات ،، و اجتماعات ،، و تدريبات ،، بلا أي قيمة ..

بس مارس كان شاهد على وحدة من أحلى صور السيلفي إللي صورتها هاي السنة ،، مع الشباب في دبي 😀 😀

أبريل ،، و كذبته //

إجا وسيم من جدة (السعودية) كان عنده تدريب في دبي و رجع في أول أبريل ،، حقيقة ،، مش كذبة أبريل والله 😉

تاريخ 09-04-2014 نزلت على عمان للمرة الاولى هاي السنة ،، 4 أيام ع السريع ،، كانوا كلهم برا البيت الحمدلله << حواطة يا كبير 😀 😀

تاريخ 16-04-2014 إلتقيت مع أخو المدام ،، كان حابب يتعرف عليّ ،، و إلتقينا في دبي و تعرفنا على بعض و تنشوف شو راح يصير ..

تاريخ 18-04-2014 حضرنا عرس أخونا يحيى الهادي ،، انبسطنا والله و تعرفنا على عادات و تقاليد السودانيين في الأعراس 🙂

تاريخ 28-04-2014 نقلت من البيت عشان مشاكل بين المالك و المستثمر ،، المهم ،، فرق كان بين البيت القديم و البيت الجديد ،، القديم كان أكبر بكثير و ملعب بسرح و بمرح فيه ،، الجديد كثير صغير ،، بس الحمدلله الحمدلله الحمدلله على كل نعمه 🙂

مايو مايو //

تاريخ 01-05-2014 في أول يوم في مايو ،، ماموشيا راحت تشوف العروس 😀 😀

تاريخ 18-05-2014 كمان مرة موعد في المستشفى ،، بس هاي المرة فحوصات للقلب << دلع دلع ما في شي والله 😀

بعد فحص القلب ،، الدكتور أعطاني يومين إجازة ،، فكان عندي تاريخ 18 و 19 إجازة ..

المهم ،، تاريخ 18 بالليل ،، طلعت أتعشى مع أخوي ياسر الخياط ،، و كان معه صاحبنا و اخونا عبدالله الكندي ،، عبدالله بشتغل بطيران الإتحاد ،، و صادفت إنه كان جاي زيارة سريعة على الإمارات ،، المهم ،، على العشاء ،، دار النقاش التالي:

عبدالله لياسر : شو رايك تنزل وياي الأردن يوم واحد نوصل الأغراض و أنا أرد للدوام و إنت ترد لبوظبي؟

ياسر لبعدالله : ما أقدر ياخي والله عندي دوام باجر ،، أكو الأردني يالس عدالك ( و بأشر عليّ )

عبدالله لأسامة : تنزل الأردن ؟

أسامة لعبدالله : آه بنزل ..

عبد الله لأسامة : ياخي والله ما أمزح ،، تنزل الأردن ؟

أسامة لعبدالله : عبدالله ،، هاي ثاني مرة أشوفك ،، يعني لسه ما بيني و بينك مزح والله !!

ياسر يدخل على الخط : عبدالله ،، أسامة ما عنده مزح بهالسوالف ،، يوم يقولك بينزل يعني بينزل ..

عبدالله : يعني أحجز ؟

أسامة : إحجز على أقرب رحلة ،، و الرجعة خليها على طيارة الفجر عشان ألحق على الدوام ثاني يوم ..

هاي كانت أحلى استفادة من الإجازة المرضية إللي عطاني إياها الدكتور الحمدلله ..

طلعنا من المطعم ،، رحنا على بيت عبدالله ،، فضى الأغراض كلها ،، حطيناها في دبة السيارة ،، و قعدنا شوي ،، و طلعنا على المطار ..

تاريخ 19-05-2014 : وصلنا على عمان الضحى الحمدلله ،، عبدالله معاه سيارته ،، و أنا استأجرت سيارة من المطار و طلعنا نوصل الأغراض لبيت عبدالله ،، وصلناهم و خلصنا الحمدلله ،، صليت الظهر ،، و طلعت من عند عبدالله ..

وصلت لبيت أهلي ،، قلت أعمللهم إياها مفاجأة ،، قاموا عملولي مفاجأة من العيار الثقيل و طلع ما في حدا في البيت ،، هلااااااااااااا والله ،، اتصلت على أختي الصغيرة هديل ،، فكرتها بالجامعة ،، طلعت مش رايحة على الجامعة ،، طلعوا رايحين على الكرك علشان عزاء عمو أبو خلف – الله يرحمه – ،، ماما معك ؟ آه معاي ،، طيب أعطيني أحكي معاها لو سمحتي ..

أسامة : ماما أنا عند باب البيت ،، تيجوا ولا أرجع على أبوظبي ؟

ماما : هيك فجأة طيب إحكي طيب خبر قبل ما تيجي !

أسامة : يعني أرجع ولا أنطر ؟

ماما : أنطر هينا نحن بأول الطريق ،، شغلة نص ساعة و بنكون عندك إن شاء الله ..

أسامة : الله يحميكم ،، على خير إن شاء الله ..

وصلت ماما و ديانا و هديل ،، قعدوا شوي ،، سلمنا عليهم ،، و رجعوا طلعوا على العزاء في الكرك ..

و أنا عن نفسي ،، طلعت مع المحروسة 😀 😀

و رجعت بالليل عند العيلة بعد ما رجعوا من الكرك ،، و أبوي تأخر لرجع ،، قعدت معاه شوي ،، و سحبت حالي على المطار ،، و من المطار للدوام الحمدلله 🙂 🙂

كانت رحلة سريعة و جميلة الحمدلله 🙂 🙂

تاريخ 24-05-2014 رحنا رحلة صيد ،، و حلفت تكون آخر رحلة صيد << إن شاء الله ما أضطر أصوم 3 أيام بعدين 😀

يونيو روميو //

هذا الشهر كان مخصص للخطبة و تبعاتها ،،

تاريخ 05-06-2014 راح أبوي عشان يتعرف على أبوها

تاريخ 08-06-2014 إتصلت على ريان ،، و دار بيننا النقاش إللي كتبته في هذا الموضوع سابقاً ..

تاريخ 09-06-2014 نزلنا على قطر و تعرفنا على أبو مشاعل و الزلمة الحمدلله أبدى موافقته على الموضوع عشان يتم الموضوع على خير إن شاء الله ..

تاريخ 12-06-2014 نزلت على الأردن

 =================================

شوفوا يا جماعة ،، هاي التغريدة ،، بلشت كتابتها بتاريخ 27-12-2014 ،، و آخر تعديل عليها كانت بتاريخ 06-01-2015 ،، اليوم التاريخ صار 08-02-2015 ،، فأنا قلت أنشرها ،، و مش راح أبعث فيها إيميل ،، بس على الأقل تضل منشورة هون – علّ و عسى – إن يمكن حدا يشوفها لو بالغلط ،، و شكراً 🙂 🙂

 – كما هي –

2757 Total Views 2 Views Today