هلووووو إيفري بودي ،، أنا شفت إن بكفيكم صور للمغرب يعني ،، هذا الموضوع راح يكون بدون صور ،، هيك ،، حر أنا ،، إللي عاجبه أهلاً و سهلاً ،، و إللي مو عاجبه ،، كمان أهلاً و سهلاً والله ،،  داكوغ ؟؟

طبعاً يوم الإثنين صحينا و رحنا على أرماندو كافيه (( ميغا مول )) و رجعنا بعدين تفرجنا على مباراة منتخب الإمارات ضد السعودية و إللي خسروا فيها 3-0 يحليلهم و بعدين تغدينا و رحنا على أرماندو ” أُخرى مرة ” << على رأي الغزازة ،، و PAUL ،، بعدها كان ورانا لفة طويل شوي بالسوق مع أخونا هتلر عشان نشوف شو بدنا نشتري للوالد و أخوي و الشباب الطيبة و و و و و و روحنا بعدين على العشاء في البيت ..

اليوم ،، الثلاثاء ،، طبعاً كان المفروض إن رشيد طيارته على الساعة 7 و نص الصبح على طيران الإتحاد ،، و أنا طيارتي على الساعة 2:30 العصر ،،

رشيد كان محتار يسافر و لا ما يسافر ،، على الساعة 3 الفجر قال خلاص ما بدي أسافر ،، بدي أروح أنام أريحلي ،، أنا فتت أنام عادي و عيرت المنبه على الساعة 10:30 الصبح عشان أصحى و أقوم و أتحمم و أجهز أغراضي و أنزل على الدرج و أفطر و أغسل إيدي بعد الفطور و أرجع ألبس و أسلم على الشباب و نتوكل إن شاء الله (( هذا كله كان لازم أعمله )) ..

النكتة صارت إني صحيت على الساعة 1:30 الظهر !!!!!! يعني باقي ساعة على الطيارة  ،، ركزت في الساعة منيح ،، يا جماعة الخير 1:30 ،، قلبتها قلت يمكن أنا نايم و قاعد أشوف الساعة بالمقلوب !!! شفت ساعة التلفون ،، 1:30 ،، يلا ،، و هي خاربة خاربة  ،، قعدت أنادي أأأأأأأأأ-بببببببب-تتتتتتتتت ،، رشــــــــــــــــوووووووووود ،، طلعتلي مدبرة المنزل ،، قلتلها كم الساعة ،، قالتلي 1:30 ،، قلتلها وينهم ،، قالتلي نايمين ،، قلتلها مو وقت المزح ،، وينهم ،، قالتلي والله نايمين !! قلتلها أي نايمين ،، أ-ب-ت بصحى من الساعة 9 أو 10 بالكثير و بقعد يصحي فينا ،، فلا تقوليلي نايم ،، قالتلي والله نايم !!

و هكذا والله

لما نزلت و ما شفت حدا ،، قعدت شوي ،، و طلعلي رشيد ،، أ-ب-ت بعده نايم ،، راح رشيد و دق عليه الباب قاله // بعد عايش ؟؟ قاله يسسس الحمد لله ،،

طلع صاحبنا متعود يخلي الستارة مفتوحة و هو نايم ،، هاي المرة نساها مسكرة ،، فطلع الضو ،، و هو بعده مفكر الدنيا ليل !!

المهم ،، قلنا لمدبرة المنزل تحط الغداء ،، قالت لازم الفطور أول ،، قلتلها الساعة صارت 2:30 أي فطور هذا ،، من هون لهون و هناك لهون كمان ما رضيت ،، حطت الفطور والله !! طلع أ-ب-ت و استقلبته الجماهير بالهتافات و التصفيق إن أخيراً يعني !!! قلناله نحن بدنا نتغدى و هم حطوا الفطور ،، هو ما كان إله نفس ،، أكل شوي و قام ،، قلنا يلا ،، حطوا الغداء ،، شالوا الفطور و حطوا الغداء ،، خخخخخخخخخخخخخخ ،، يعني عمركم شفتوا واحد بفطر و بتغدى خلال نص ساعة بس !! << نحن بس ..

خلصنا الغداء ،، طلعنا على على على على على على على على على على وين ؟؟

على أرماندو كافــــــــيه للمرة العشرين بأسبوع ،، لاقانا هناك بالصدفة واحد من الشباب أصحابنا بأبوظبي ،، قعد معانا شوي ،، مع السلامة مع السلامة سلم سلم نشوفك إن شاء الله و روح ،، هو راح من هون ،، و نحن رحنا على PAUL الفرع الثاني ،، إللي تغدينا فيه قبل مبيرح .. و رجعنا بعدين على البيت و توتة توتة ،، خلص اليوم !!

ما جبت شي جديد اليوم ،، صح ؟؟ يلا مو مشكلة ،، خيرها بغيرها إن شاء الله ..

عشان هيك قلت بدي أحط هذا الموضوع بدون ولا صورة ولا إبتسامة !!

إضراب اليوم !!

و مو بس هيك ،، ما بدي أكتبلكم شي عن بكرا ،، خخخخخخخخخخ ،، إضراب إضراب إضراب

الموضوع الجاي إن شاء الله راح يكون عبارة عن بعد الأمور و الأشياء إللي لاحظتها و استفدت منها بالمغرب إن شاء الله

تصبحوا على خير ،،

و السلام عليكم و رحمة الله و بركاته

(( تذكروا أهل غزة بالدعاء ))

970 Total Views 1 Views Today