Rayan & Nachwan Birthday

هابي بيرثداي تو يوو ،، هاي بيرثداي يوو ،، هاي بيرثداي هاي بيرثداي تو وسيم و ريان و نشوان

كل عام و إنتوا بخير ،، و عقبال 44567657710102 سنة إن شاء الله

أول شي يعني // 1-9-2009 ،، عيد ميلاد وسيم ..

ما بصير يعني ننسى عيد ميلاد أخوي وسيم ،، بس لسه ما احتفلنا فيه ،، إن شاء الله بس نوصل للأردن بنحتفل فيه ،، و هديتك موجودة يا الأخو ..

==========

ثاني شي // 18-8-2009 ،، عيد ميلاد ريان ..

هذا يا جماعة الخير أخونا ريان ،، ريان ما غيره إللي مرة مديت رجولي و وقع على وجهه ،، موجود بالشركة من سنتين و شوي ،، مو هون المشكلة ،، المشكلة إن كل مرة عنا بس يصير عيد ميلاد حدا (( بعملوله لمة )) و بشتروله هدية ،، يا حرام أخونا ريان كل مرة بكون يوم عيد ميلاده بلبنان و الشباب بتطنش هون ،، هاي المرة من قبل ما يسافر كان بدو بلاك بيري بدل النوكيا إللي كسره على راسي ،، مهي صارت موضة الحمد لله ،، المهم ،، وعدناه إن نجيبله إياه ،، و الحمد لله ،، وفينا بالوعد هاي المرة و احتفلنا فيه بس رجع من السفر << بس بدون كيك :F:

بهاي الصورة ريان عم بحكي لواحد من الشباب // بعد عني ،، خلص عندي بلاك بيري

و هون يعني بتعرفوا المناسبة هاي ما بتكرر كثير مع أخونا ريان // فكان لازم من صور مع الكل

شو بدنا نعمل يعني ،، بمون أخونا ريان

.. شكلنا نحن كمان راح نطرقلنا واحد إذا رجعنا على أبوظبي بعد فترة ..

==========

ثالث شي // 2-9-2009 ،، عيد ميلاد نشوان ..

مبيرح كان عيد ميلاد نشوان كمان ،، إتصلته عشان نطلع ،، قالي أهلي مسوينلي كيكة ووووووو إلخ إلخ إلخ ،، قلتله بس تخلص حاكيني لو سمحت و خليلي قطعة من الكيكة ،، خلص ،، إتصلتله ،، نزلي ،، طلعنا ،، رحنا على كافيه قعدنا فيه ،، بس فتنا ،، طلبنا إللي بدنا إياه ،، وقلتلها بدي صحن و شوكة زيادة لو سمحتي ،، قالتلي ليش ؟؟ قلتلها عندي قطعة كيك و بدي آكلها ،، قالتلي sir ممنوع الأكل من برا ،، قلتلها بنعمل هلأ مشكلة هون ،، بدي صحن يعني بدي صحن ،، قالتلي طيب خليني أشيك مع المانجر ،، والله وجابت الصحن الحمد لله ،، قتلها بدي شمع كمان ،، قالتلي كم العمر ؟؟ قلتلها 24 ،، قالتلي بس 24 شمعة على قطعة هالكيك ما بكفي ،، قلنالها خلص لكان جيبي وحدة بس ،، طبعاً بخصوص نشوان ،، إن شاء الله هو برد على التدوينة و بقوللكم رأيه في الموضوع ..

==========

رابع شي // 4-10-2009 ،، عيد ميلاد أسامة ..

سجلوا التاريخ عندكم ،، عشان ما تنسوه

3195 Total Views 1 Views Today