أسامة بن زيد

جيتكس ،، المعرض المتخصص بتكنولوجيا المعلومات و الإتصالات ،، أكيد لازم يكون إلنا رحلة فيه لاستكشاف الجديد في هذا المجال ..

كالعادة ،، شلة الأنس ،، بن زيد ،، يوسف قدورة ،، محمد الحسن ،، كملنا الويكيند تبعنا إللي كان بالعين ،، بس هاي المرة الوجهة كانت دبي ،، معرض جيتكس 2009 ،، المعرض مقسوم لقسمين ،، قسم لعرض الجديد و آخر التكنولوجيا و القسم الآخر للبيع ،، و بما إن قسم البيع بفتح الساعة 11 ،، و قسم التقنيات الجديدة بفتح الساعة 1 ،، فأكيد يعني لازم نروح على قسم البيع !!

وصلنا الحمد لله على الموعد ،، بس قعدنا نص ساعة و نحن بنلف على باركينج ،، و كل واحد من المنظمين بقولك روح هناك ،، و بس توصل هناك ،، إللي هناك بقولك إرجع كده يا باشا و خذ أول يسار ،، و بس تروح عند أول يسار ،، بيقولك Sorry Sir, go to the other side !!!! مشي الحال بعد الخناقة الحمد لله و صفينا :-)

نزلنا على المعرض ،، و أخونا محمد الحسن أتحفنا بهاي الصورة الحلوة :-) ،،

و هون إتصالات حاطة سيارة الفورمولا تبعتها !!

و محمد الحسن بعد ما اشترى 4 أو 5 سيديهات ألعاب ،، كمان لازم يلعب ع الطبيعة ،، عشان يرتاح ضميره :

و أكيد الناس إللي جاي ” تجمع ” أكياس !!

خلصنا من هون بسرعة ،، ما طولنا كثير !! يعني ما كان في شي إللي يستاهل بصراحة !!  و الوجهة هاي المرة كانت مركز دبي التجاري العالمي

و أخذنا جولة فيه و طلعنا ما طولنا الحمد لله ،،

لوين كانت الوجهة هاي المرة ؟؟ أكيد بدنا نوكل يعني !! جوعانين و تعبانين ع الآخر ،، مدحولنا مطعم إسمه مرجان أحمد مرجان على رأي محمد الحسن !! أو شغلة قريبة من هيك يمكن ،، بوافي سنتر بدبي

فديتني مع محمد الحسن

طبعاً هو نحن صحيح كنا عم نتصور ،، بس إللي ورانا هدول كانوا عم بتصوروا مع حبة الكبة ،، مع صحن الحمص ،، مع معلقة الرز !! بالأخير والله واحد حط منهم قاعدة الكاميرا على راسه و إللي قاعد بقباله صار يصوره !! يعني شفنا هبل ،، بس مش هيك والله !! و نحن بس عم نضحك خخخخخخخخخخخخخ

هاي مغاسل المول ،، والله حلوة ،، أحلى من حمامات قصر الإمارات !!

طبعاً لما روحنا ،، الكل هلكان ،، و أنا طافي ع الآخر مش نايم من 3 أيام زي الناس !! و أكيد يوسف لازم يستغل هاي اللحظات عشان ياخذ صورة لإلي !!

========================

بصفة عامة ،، نرجع للمعرض ::

بالعادة بكون معرض البيع معبى و زحمة كثير !! المرة هاي فاضية و كلها بس قاعتين إللي ماخذينهم !!

قسم العرض و الجديد ،، بالعادة إجراءات التسجيل بتوخذ حوالي ساعة !! بس هاي المرة 5 دقايق كل شي بكون خالص ،، مش عارف هذا من الـProcess السريعة ولا من قلة الناس إللي هناك !!

حتى قسم العرض بالعادة بكون زحمة كثير و حوالي 7 أو 8 قاعات ،، هاي المرة بتمشي و إنت مرتاح !! من الفضاوة !!

و فعلاً ما قدرت أشوف أشياء جديدة كثير نفس كل مرة يعني !!

تنشوف السنة الجاية كيف بتكون إن شاء الله إذا الله عطانا عمر !!

خليني أرجع أتابع مباراة الجزيرة و الوحدة إن شاء الله ،، مع السلامة

و السلام عليكم و رحمة الله و بركاته

==

SOON TO JORDAN AGAIN, VERY SOON, SEE YOU MY FAMILY

هذه التدوينة ادرجت بتاريخ 19 أكتوبر 2009 في الساعة 8:33 م ضمن تصنيف تكنوLogy. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.