Pics مع المكس
و أخيرأً ،، شهرين هاي المرة ما كتبت !! والله طولت كثير ،، بس والله ما كنت هون ،، قضيتها من الإمارات للأردن للبنان للإمارات و إن شاء الله 4 أيام و مسافر كمان مرة !! تعاولوا أحكيلكم شو صار معي ،، بس هاي المرة ،، بدي أعطيكم 4 مواضيع وراء بعض ،، واحد مكس و الثاني عن بيعة السيارة (( أحلى واحد )) و الثالث عن الأردن و آخرهم عن لبنان إن شاء الله ،، بوصلوكم بالتقسيط ،، بس مو المريح !!
من وين أبدأ يا جماعة الخير ؟؟
مممممممممم
أبدأ من آخر شي خلصته !! الكورس ،، مبيرح كان عندي فاينل ،، ممممم ،، حليت منيح !! أصلاً هالكورس كله على بعضه مو عاجبني << مثل كل كورس ،، بقول بدي أتغير و أصير أدرس أول بأول و أتابع و من هالحكي الخرط !! بس بنصدم بالواقع المرير و بقول :: خليها على التساهيل !! تنشوف شو بصير بالنتايج ،، تطلع إن شاء الله ،، بعدين بنرجع نتفاهم !!
=========================
بخصوص شغلي ،، و ما أدراك ما شغلي ،، مثل ما إنتوا شايفين !! ” كومة قرف و فوضى ” !! ممممم فضاوة ،، نظرة مستقبلية ،، خناقات عشان الزيادة الموقفة من شهر يوليو ،، في بوادر انفراج >> بس النهاية شكلها طريق مسدود ،، دينا بقولوا عرسها الأسبوع الجاي إن شاء الله !! << مش عارف كيف << بس بتصير !! أنا إلي زمان و مدة ما داومت ،، مقضيها إجازات إن شاء الله ،، برجع من إجازة و بروح لإجازة ،، برجع من إجازة و برجع بروح لإجازة كمان مرة !! على رأي مديرنا لازم يعلملولي وظيفة جديدة يسموها Vacation Officer << خفيف دمه للمدير !!
=========================
العقل >> سارح ،، و البال >> حيران !!
الفكر >> جارح ،، و الحال >> تعبان !!
=========================
المجلس ،، بانتظار العودة الميمونة إن شاء الله و نرجع نتجمع فيه :) :)
Missing the Majles Wallah
=========================
مواقف شارع حمدان صارت بفلوس ،، ممممم ،، بصراحة والله الحمد لله خفت الزحمة كثير علينا ،، بس صرنا لازم دايماً نخلي فكة معانا من باب الاحتياط و صرنا نقضيها خناقات مع تبعون الدكاكين عشان يفكولنا الفلوس !!
=========================
ميري كريسماس ،، موسم أعياد ،، و على سيرة الأعياد ،، ما شاء الله سنة 2010 كل الأعياد و المناسبات جاي يوم الجمعة ،، عيد الفطر و المولد النبوي و الإسراء و المعراج و حتى راس السنة الهجرية و الميلادية و راح سنة 2011 كمان يوم الجمعة !!
=========================
26 ديسمبر 2009 في الساعة 7:03 ص
:8: :8: :8: :18: :8: :8:
:-D :-D :-D :-D
إجـــــازه سعــــيده
26 ديسمبر 2009 في الساعة 9:01 ص
الله يعينك يا معلم، على كل بس تذيق بوجهك دايما تزكر نكتة البطيخ خخخخخ
26 ديسمبر 2009 في الساعة 12:54 م
حنان //
آمين يا رب تكون سعيدة و أخلص فيها شغلي
=======================
خالد حامد الخراز //
أنا شايل بطيختين، وحدة باليمين و وحدة باليسار ،، عندك محل للثالثة ؟؟
فديتك أنا والله يا أبو فارس
صحيح والله ،، نحن كتبنا إن دينا تجوزت ، بس نسيت أحكي إن إجاك فارس (الله يحميه يا رب) و نسيت أحكي إن ريما حامل و شيبي حامل و مرت عبدالله حامل << الله ييسرلهم يا رب
26 ديسمبر 2009 في الساعة 8:04 م
lik wahcha wallah l3adim atmana inak tkoun b 10000000 khir ou nchallah tkoun mabssout yarab
26 ديسمبر 2009 في الساعة 10:28 م
هاي اسامة كيفك معلش بدي تبعتلي ايميلك ازا سمحت وشكرا
27 ديسمبر 2009 في الساعة 1:43 م
hasnaa //
الحمد لله ،، صامدون ،، و معلش يعني كل واحد عنده ظروفه بالغياب عن المدونة !!
كنا مسافرين ،، و راجعين للسفر إن شاء الله يوم الأربعاء الجاي :-)
27 ديسمبر 2009 في الساعة 4:55 م
yala ba3ed fee kam yoom w betroo7 ijazi :P:P:P ……
enjoy it,, bs shou badi a5abrak shou fe b leb ,, yeeeeeeeeeeeeeeeeeeeeeeeeeeeeeeeee, 5arbani 3al a5eeer , ra7at 3alik …
bs 3endi so2al,,, soret el Xmas ma3 el naseer ,ween me5eda ;) ….
Enjoy…
28 ديسمبر 2009 في الساعة 12:48 ص
ابن قدورة //
هلااااااا والله بعريسنا ،، خربانة من آي ناحية يعني ؟؟؟؟؟؟؟؟؟؟
هاي الصورة بديرة سيتي سنتر :-)
28 ديسمبر 2009 في الساعة 2:55 ص
5arbani mn na7iyit el bashar yali me7tifli bl Xmas :):) lama ashofak bashra7lak bl tafaseeel ;)
28 ديسمبر 2009 في الساعة 1:59 م
بانتظارك إن شاء الله :-)
29 ديسمبر 2009 في الساعة 3:35 ص
ثانكس سوسو و اجازة سعيدة
1 يناير 2010 في الساعة 10:40 م
وصاروا يدلعوك سوسو !!!!!!!!!!!!!!!!!!!!!!!!!!!!!
ما شاء الله كان
5 يناير 2010 في الساعة 5:09 ص
و عفواً AHA إنت ليش زعلان يعني ؟