أسامة بن زيد

هذا نحن قلنا بدنا نفحص رقبتنا عشان المشاكل إللي كانت فيها آخر فترة ،، هلأ الدكتور إللي في أبوظبي ،، و مش عارف كيف يعني ،، بس قالي عندك ” بداية ديسك ” !!

قلنا يا أسامة لم أغراضك ،، و بما إن عندك نزلة شغل في الأردن ،، فخلص كل شي مرة وحدة ،، طبعاً وصلت الخميس العصر على عمّان الحمد لله ،، و بلشنا الإجتماعات من الطريق !! الخميس الليلة كلها سهرة شغل 7 ساعات !!

الجمعة قبل الصلاة !! الجمعة بعد الصلاة 14 ساعة اجتماعات !! السبت مقابلات للـ ” جونيورز ” 10 ساعات مقابلات !! الأحد ” WorkShop ” بس كانت 7 ساعات !! طبعاً شو بدي أحكيلكم ،، فعلاً بتمر عليكم أشكال و ألوان !! خريجين جدد ،، و بتحسهم خايفين مو عارفين شو بدهم يحكوا !! و أنا و طارق لعب بالأعصاب منيح >> بتعرفوا خبراء بالاستفزاز الحمد لله :17:

اليوم الإثنين ما طوّلنا شغلة بس 5 ساعات !! و بعدين رجعت ع البيت عشان أروح على المستشفى !! نمت !! و صحيت متأخر !! و منيح إن بنعرف الدكتور صبر علينا ساعة و نص عبين ما إجيته !!

المهم ،، وصلت للدكتور ،، كيفك و كيف الأهل و كيف فلان و كيف علاّن و أنا بعرف قرابتكم كنا مع بعض زمان في الجيش و فلان كان معي في المدينة الطبية و فلان اشتغلنا سوا في المــــ….. !!

طبعاً أنا ما قلتله شو قالولي الدكاترة  في أبوظبي ،، بلّش يسألني ،، شو المشكلة ؟؟ وين الألم بالتحديد ؟؟ بتنمل رجولك ؟؟ بتحس بتشنج ؟؟ مخك بتحسه بتجمد ؟؟ عملّي كم اختبار لرقبتي و إيدي و رجلي و العمود الفقري ..

قالي إسمعني // إنت بدك تخفف قعدة ع الكمبيوتر أول شي ،، ثاني شي: ” أعصابك تلفانة ” و ” إذا استمريت بهاي الطريقة راح يجيك إنهيار عصبي ” ،، هذا الضغط إللي عليك لازم تخففه ،، و بنفس الوقت لازم تعمل أشعة MRI عشان نشوف الفقرات إذا فيهم شي ،، بكرا عندي موعد الأشعة ،، بس أنا مش عارف يعني ليش استعجلت و كتبت هلأ ،، مش قادر أستنى لبكرا بصراحة !! يعني احساس غريب !! ” ديسك ” ،، ” انهيار عصبي ” ،، من هلأ !! بعده عمري 24 سنة فديتني والله !!

أحلى شي بعد ما خلصت و طلعت من المستشفى >> ” أ.ب.ت ” بعثلي مسج : شو صار معاك بالمستشفى ؟؟ رديت عليه و قلتله: الدكتور قالي عندك ” حافة إنهيار عصبي و لازمك Girl Friend و سفرة على المغرب ” خخخخخخخخخخخخخخخخخ

دعواتكم بكرا إن شاء الله

و السلام عليكم و رحمة الله و بركاته

هذه التدوينة ادرجت بتاريخ 22 فبراير 2010 في الساعة 11:38 م ضمن تصنيف تكنوLogy, ويك إندز. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.