فديتني صرت أدخن !!

يـا الله ،، و أخيراً رجعت لهون !! طولنا منيح هاي المرة !! و كالعادة بقول ،، إن شاء الله هاي المرة ما بنتأخر !! بس بنرجع ” ننعجق ” زيادة عن اللزوم ،، بقول بدي أخفف البطيخات إللي بإيدي ،، بس بخفف من وحدة ،، بتطلعلي الثانية ،، و بالأخير مين الضحية ؟؟ الضحية هي البطيخة إللي بين أكتافي ؟!

دراستي الحمد لله خلصت الفصل الاول مبيرح و إن شاء الله النتائج قريباً ،، هلأ هو كلمة الحق تنقال إن الفضل من بعد ربي ،، للدكتورة !! ساعتدني كثير بصراحة ،، أكثر مما أنا ساعدت حالي ،، إن شاء الله يعني بننجح و بكون هيك ضايلي مادتين ،، النية إني آخذ كل وحدة بفصل عشان ما أضغط على حالي كمان و كمان !!

مممممم ،، العيد كنت بالأردن ،، عجقة إنتخابات !! الحمد لله صار عمي إسمه // سعادة النائب عبد القادر الحباشنة // ،، الله يجعل فيها خير و يبعد عنه ” أصحاب المصالح ” يا رب !!

دوامي ماشي حاله ،، مثل الجو صاير !! يوم برد و عشرة حر !! إن من شان الله يثبت على قرار !!

الشركة كمان في تحسن مستمر الحمد لله ،، بس ” بعد بدها كمان و كمان ” 🙂 🙂

نشوان تعبان و محتار !! ما بين شغله القديم و شغله الجديد !! قام ريّح حاله و راح اشترك بنادي صحي 🙂 🙂

على خلاف مع محمد الناصر !! الله يعقله يا رب و يهديه !! و إن يعرف كيف يفهم الناس !! و يفهم حكيهم كمان !!

حددولنا البونس !! مرتين و نص من الراتب الأساسي ،، يعني بطلعلي إن شاء الله شي نص مليون درهم 🙂 🙂

قربت السنة الجديدة – 2011 – تنشوف شو بدو يصير معاها فيها إن شاء الله ،، إن شاء الله تكون سنة خير يا رب على الكل

طبعاً بعدني بقول بدي أبطّل ” حش ” بالعالم !! بس مش زابطة معي !! هم إللي بستفزوني والله 🙂 🙂

هو يعني هلأ الساعة صارت 2 بالليل !! و أنا نعسان ،، و مش عارف شو بدي أكتب !! بس إن بدي أكتب عشان أرجع أكتب !!

حتى بطلت أعرف شو أكتب !! الله يرحم أيام زمان !! أختها من شغلة !! مش لهاي الدرجة يعني صرنا !!

خلص لازم أرجع أكتب أكثر و أكثر بلكي بتترجع تتحسن عندي هالشغلة !! ليش هيك !!

حاسس حالي مثل إللي قاعد بإمتحان و عم بكتب بس عشان يعبّي الصفحات !!

بتذكر إني كنت بقول آخر شي ::

و السلام عليكم و رحمة الله و بركاته

هـــاي .. فديتني والله .. جديدة

..New Destination,, Coming Soon

3144 Total Views 3 Views Today