تضامناً مع الأمريكان ..

خلص ،، يعني 11 سنة بكفي بصراحة !! عناد فيكم و في إللي مش عاجبه !! صحيح إني إلتزمت في الموضوع تضامناً مع ” القضية الفلسطينية ” إللي أصلاً أصحابها مش سائلين عنها !! و صحيح إني كمان إلتزمت الصمت في المدونة تجاه ما يدعى ” ربيع الثورات العربية ” ،، بس خلص لحد هون و بكفي !!

المهم ،، أنا رأيي >> حكيته ع الطبيعة !! و الحمد لله نصكم بعرفوا رأيي بهيك ثورات !!

الموضوع و ما فيه إني كتبت من حوالي 3 سنين في المدونة موضوع إسمه ” درة فلسطين ” و كانت عن محمد الدرة و عن المقاطعة ..

المقاطعة

تعالوا أحكيلكم عن المقاطعة

هذا يا سيدي بقولك أسامة بن زيد قرر إن يوقف التعامل مع المنتجات الأمريكية و اليهودية تضامناً مع ” القضية الفلسطينية ” يعني !! و صارله 11 سنة إلا كم يوم على هالمنوال !!

هلأ أسامة بعد ما شاف ما يسمى بـ ” الثورات العربية ” >> مش عاجبه الوضع

قلنا بدكم تصلحوا الفساد >> فهمنا ..

قلنا بدكم تخففوا البطالة >> فهمنا ..

قلنا بدكم حرية >> فهمنا ..

قلنا بدكم ديمقراطية >> فهمنا ..

قلنا بدكم وظائف >> فهمنا ..

أقولكم

قلنا بدكم تشيلوا الرئيس !!!!!!!!!!!! >> و كمان والله فهمنا ..

منيح هيك ؟؟

بلشتوا بدكم تحاكموه >> فهمنا ..

بلشتوا بدكم إياه يرجع فلوسه >> فهمنا ..

بلشتوا بدكم إللي كانوا معاه كمان يتحاكموا >> فهمنا ..

بلشتوا تتفلسفوا و تقولوا بدنا كمان و كمان >> فهمنا ..

 

 

أما بدكم إياها ثورة زي اليابان !! والله كبيرة هاي !!

بنقول إن شاء الله ،، و الأيام كفيلة بإنها تبّين كل شي ..

منيح هيك ولا أزيدكم ؟؟

أعطوكم إللي بدكم إياه ،، و لسه بتقولوا :: ما بكفي !!

و بالرغم من كل هذا ::

ضليتوا تلموا حالكم في الشوارع يوم الجمعة !!

ضليتوا إذا ما عجبكم فلان تقوموا تنزلوا مظاهرات ما بدنا إياه !!

ضليتوا تحرقوا كنايس و مساجد !!

ضليتوا تطلعوا و تذبحوا بعض عن باب المحكمة !!

ضليتوا ما بين مؤيد و معارض و نسيتوا إنكم إخوان !!

و ضليتوا و ضليتوا و ضليتوا

قلنا الشعب واعي و صار عنده ثقافة هلأ و راح يكون أحسن ..

و ما شاء الله ،، أثبتوا هذا الشي فعلاً ،، لدرجة إن ::

أمريكا صارت تدعم أحزاب عندكم !!

مكتب الطيران السعودي و كسرتوه !!

المباراة عم تنلعب و إنتوا اقتحمتوا الملعب !! مفكرينها فلسطين رايحين تحرروها !!

السفارة في العمارة ،، و عم ببنوا عليها سور إسمنتي بدل الحديدي إللي كان موجود !!

البطالة اختفت من الشوارع بين يوم و ليلة !! لأن الكل مشغول ” في الشارع ” !!

صار الوزير و الشحات واحد !! عدل و مساواة هاي إسمها !!

صار الدكتور و الجاهل واحد !! حرية تعبير هاي !!

صار الموضوع بالمحكمة إن الرئيس ميت و هذا واحد شبيه لإله !! أخت المسخرة هاي !!

أكمّل كمان ولا بكفي ؟؟

والله حاسس حالي ما عبرت كثير !!

بعد كل هذا ،، بقولكم بإختصار >> حلوا عن تيتي !!

طبعاً بعدنا ما دخلنا في الدول الثانية

خلينا بموضوعنا الرئيسي

أنا إلي فترة عم تلعب براسي فكرة إن “ 11 سنة مقاطعة ” بكفي !!

خلص ،، طلعوا فعلاً شعوب ما بتستاهل !! لأ و إللي أنا متضامن معاهم مش عارفين يتفقوا على توقيت بينهم !! والله عيب عليكم !! مفكرينا أمريكا يعني عشان تخلوا فيها توقيتين و ثلاثة !! هي البلاد لسه ما صارت و صرتوا طالعين فيها بتوقيتين ..

من شان الله بكفي بقى

أنا بدي أبطّل مقاطعة !!

و عناد فيكم و في إللي مش عاجبه ،، بدي أصير من أكبر مشجعين المنتجات الأمريكية و اليهودية كمان !!

يعني اليهود كم واحد قتلوا عشان ياخذوا فلسطين ؟؟ كم مجزرة عملوا ؟؟

أكيد أكيد أكيد كل إللي ماتوا بسبب اليهود لليوم >> ما بيوصل يمكن نص الرقم إللي صار ميّت بسبب ” ربيع الثورات العربية ” !!

شاء من شاء ،، و أبى من أبى ..

مع الأمريكان يعني مع الأمريكان

و أشوف حدا يفتح تمّه ولا يعترض !!

و السلام عليكم و رحمة الله و بركاته

3308 Total Views 1 Views Today