بدي إياها تخلص اليوم ،، المدير طلبها و مستعجل ،، الشعب عم بستنى ،، السوبرفايزر بدو إياها هلأ و ما لحقت أخلصها ،، شو هالخدمة البطيئة هاي ،، السيستم ما عم بلبي احتياجاتنا ،، هاي لازم تخلص اليوم و بتأثر على سمعتنا برا ،، أسامة بقوللكم :: بس يا بجم !!

اليوم بدي أحكيلكم عن شغلة هيك إجت ع السريع قبل العيد ،، و طفح الكيل فيها بصراحة !! ألا و هي :: ظاهرة النّق !!

يعني في كم عيّنة عنا بالشركة فعلاً بوجعوا تيت الواحد من كثر ما بيحكوا و بقرفونا بشغلاتهم كإن ما في عنا بالشركة غيرهم !!

مفكرين عاد حالهم ” أفلاطون و أرسطو و مدام كوري ” !!

يعني شفنا عيّنات معتوهة ،، متخلفة ،، بس مش هيك !!

مش طبيعي قديه إن فعلاً فيهم نوع من أنواع السلوك بسموه للشخص إللي عنده إياه في اللغة العربية الفصحى :: بجم منقطع النظير !!

يعني ماشي إن أنا بشتغلها و هي من ” تاسكاتي ” إللي المفروض إني أخلصها

بس فعلاً إنكم يعني ما بتستحوا !!

يعني الواحد بخدمكم و بوجّع راسه طول النهار معاكم >> و إنتوا بالأخير :: بجم !!

إي إحترموا حالكم و بكفي إني موجّبكم و معبّركم !!

كافي بضيع نص وقتي و أنا بحاول أفهّم فيكم ،، و النص الثاني بضيع و أنا بكرر المحاولة !!

=====

في ناس تخصصها : النّق ،، يا جماعة الخير ،، قصدي يا جماعة النّق ،، النّق مو منيح !! و بكتبوا دايماً تحته :: النّق مضر بالصحة و سبب رئيسي لأمراض الصداع و النكد و سمّ البدن !!

و سواءً كنت شخص عم بنق ،، ولا مجموعة عم بتنق ،، إن نقيتوا و إن ما نقيتوا واحد !!

ما راح تحركوا أحاسيسي و مشاعري تجاهكم يعني عشان أخلصلكم أموركم !!

صحيح إني مرات بكون نقّاق !! بس في نق حميد ،، و في نق خبيث !!

و أكيد كل واحد بعرف شو نوع النّق تبعه !!

===========

على كل حال ،، راح أحكيلكم عن كم نوع إضافيين من ” النق ” ::

نق حميد :: لما مديرك يضله ينق عليك عشان تلبس الكرافتة !!

نق حميد :: لما مديرك يضله ينق عليك عشان تصحى الصبح !!

نق حميد :: لما موظف بترجاك عشان تخلصله شغلتك بس بكل أدب و باحترام !!

نق حميد :: لما أسامة بقولكم عيب عليكم تضلكم تقروؤا الموضوع بدون ما تكتبوا ردود !!

:: نق حميد :: نق حميد :: نق حميد ::

نق خبيث :: لما يكون النق من ناس مش طايقهم !!

نق خبيث :: لما ييجي حدا ينق فوق راسك عشان تخلصله شغله و يروح يطلع فيها هو البطل قدام الكل !!

نق خبيث :: لما واحد يضله ينق عليك إعملي و ينق عليك سويلي و ينق عليك و ينق عليك عشان بفكر حاله فاز عليك بالنق تبعه يعني !!

:: نق خبيث :: نق خبيث :: نق خبيث ::

و قد ما تنقوا علي ،، لا راح أهرب ،، ولا راح أتنحى ،، ولا راح أتخبى ،،

و قاعد على قلوبكم يعني قاعد على قلوبكم !!

هلأ يمكن الموضوع ما عبجكم ،، إن عجبكم و إنا ما عجبكم ،، صرت كاتبه و مخلص !!

بس بدي أفش خلقي شوية بالناس ” النقاقة ” و إللي بتضلها تعوّي !!

و إن :: حلّوا يعني يا بجم إنتوا و النق تبعكم !!

=====================

.. و كل نق و إنتوا بخير ،، و عيدكم مبارك ..

و السلام عليكم و رحمة الله و بركاته

3147 Total Views 1 Views Today