أكيد كلكم سمعتوا هاي الجملة أو قرأتوها قبل هيك أو حدا حكالكم إياها يعني ،، كنت بحاول أقنع نفسي بهاي الجملة طوال 26 سنة و شهر و 5 أيام من عمري ،، بس ما قدرت !! إكتشفت إنها جملة غلط ،، و غبية ،، و غبية كثير كمان !!

يا جماعة الخير يعني شو بدي أحكيلكم ،، من و أنا و صغير و أنا براقب !! و الغريب إن بعدني ما متت من الهم !! طيب ليش هيك بحكولنا ؟؟

حدا خطر على باله يسأل إذا ممكن فعلاً يموت من الهم ؟؟

من لما كنا ” بيبي-يات ” (جمع: بيبي) و نحن بنراقب الناس إللي كانوا يحملونا ،، بلشنا نعرف إن في شخصين راح يضلوا يرمونا بين بعضهم !! أبوي و أمي (( الله يحميهم يا رب و يخليلي إياهم و يخليلكم أهاليكم )) ،، ضلينا نراقب الناس إللي بتيجي تزورنا و بتلاقيها بتبوسنا و بترمينا و بتحاول تمزح معانا ولا تخلينا نضحك ،، و نحن كنا يا نضحك ،، يا نبكي ،، يا نضلنا مصدومين ،، و إذا الشخص كان لزقة و مش طايقينه ،، بس يحملنا نقوم نعملها عليه هههههههههههههههه << حدا بنكر ؟؟

و مع هيك ،، ما متت من الهم ؟!

كبرنا

صرنا نشوف التصرفات ،، و نراقبها ،، و نعمل زيها ،، و نحاول نقلدها و نحسّن عليها كمان ،، قما صرنا نراقب كيف الناس بتوكل ؟؟ كيف بتفتح الباب ؟؟ كيف و كيف كيف ؟؟

و كمان ما متت من الهم ؟!

كبرنا ،، و دخلنا المدرسة ،، على أمل إني ألاقي مكان من تطبق مقولة :: من راقب الناس ،، مات همّا ..

و فشلت !! بس مش في دراستي ،، فشلت إني أقتنع في هاي المقولة !!

لأني ببساطة ،، دخلت ع المدرسة ،، راقبت كل شي !! راقبت كيف الدكتور بكتب ،، راقبت كيف الناس بتغش !! راقبت كيف بعملوا مقالب ببعض ،، حتى راقبت ع الإمتحانات كمان !! و مع هيك ،، هيني قدامكم !! ما متت من الهم !!

دخلنا الجامعة ،، قلت هون خلص لازم أراقب أكثر و أكثر ،، بلكي أنا طول هالـ 18 سنة إللي قبل الجامعة ما كنت مفتّح منيح !!

بلشنا دوام

راقبت الطلاب كيف بتسجل ،، راقبت الطلاب كمان كيف بغشّوا ،، كيف بنصبوا ،، كيف إن كثير منهم حتى كلمة ” حيوان ” أو ” واطي ” قليلة فيه !!

راقبت كيف كانوا الطلاب يزبطوا الدكاترة ولا يحكوا معاهم عشان يزيدولهم علاماتهم شوي !! راقبت كيف إن في ناس مستعدة ” تنسى ” صاحبها ولا مين ما يكون عشان كم علامة زيادة !!

راقبت الناس كيف كانت تروح و تركض و تتعب و تنصب و تغش و تلطش و تسرق ،، عشان شو ؟؟ عشان علامة !!

راقبت صياعة الشباب !! و حتى البنات !! و الناس إللي حوالي !!

راقبت المصالح و الواسطات !!

راقبت حتى لما كنت بموقع نادي الجزيرة كيف الواحد يعني بنصب و بكذب و بحلف أحلى يمين كذب ،، و عشان شو ؟؟ عشان والله الشيخ يبتسم بوجهه !!

خلصت الجامعة و نفس الشي في الماجستير ،، و حتى في موقع النادي !!

و بالرغم من هيك !! ما متت من الهم !! طيب ليش ؟؟

قلنا تنفوت على الحياة العملية أكثر و أكثر !!

بلكي هون بنطبّق هاي المقولة إللي يوم ورا يوم حبيبي ما جاني نوم ،، أووووووووووبس قصدي يوم ورا يوم و أنا بقتنع إنها كذب .. !!

داومنا ،، و راقبنا الشركات قبل ما نقدم عشان ما نتهور و نروح على أي شركة !!

راقبنا المقابلات و راقبنا كذب إللي بقابلونا !!

راقبنا نذالة المدير !!

راقبنا وطاوة الموظفين !!

راقبنا سخافة الموظفات !!

راقبنا سرقة الشغل و رميه و توزيعه !!

و نحن قاعدين !! و نحن ما نعرفش حاجة يا بيه !!

و بالرغم من هيك ،، كمان والله ما متت من الهم !!

بتعرفوا شو ؟؟

راقبت الناس بالمولات

شو بتحكي ؟؟ و شو بتلبس ؟؟ و شو بتناقش ؟؟ و شو بتعمل ؟؟ و و و و و وو ؟؟

راقبت الناس إللي بالسينما كمان !! هههههههههههههههه !!

و إللي بالسيارة إللي بالشارع !!

حتى إن الشباب صاروا يعلقوا علي مرات و يقولوا حتى المخابرات مش لهاي الدرجة براقبوا !!

و بعد كل هذا إللي شفته ،، و إللي عم بشوفه ،، و إللي راح أشوفه كمان إن شاء الله في إللي ضل من عمري ،، صرت بقدر أحكيلكم عن ” سخافة ” إللي بصير حواليي ::

من راقب الناس ،،

مات ضحكاً !!

2984 Total Views 1 Views Today