العلبة تعبتها

مرحب عرب ،، يعني مو عارف كيف بدي أبدأ ،، كنت محتار شو أكتب في المدونة ،، إجا على بالي أكتب عن أسبوع الدوام العجيب إللي مرينا فيه ،، بس بعدين غيرت رأيي و ما تحمست كثير ،، قلت بعدين أكتب عن ” المستقبل ” إللي بيستناني و إللي جاي و المرحلة الجاية من عمري ،، قلت بعدين ” كل شي بوقته حلو ” ،، بس بالأخير يوم وصلني الخبر ،، قلت بدي أروح على البيت و أكتب هذا الموضوع ،، لدرجة إني كتبته قبل ما أشوف ” الهدية ” ……

الموضوع و ما فيه إن أنا و من فترة كان نفسي بشغلة غريبة شوي ،، و يمكن ما بتليق بعمري ،، بس كان بنفسي ” سيارة بالريموت كنترول ” << لا تتضحكوا كثير ،،

إللي صار إن اليوم دار عمي كانوا جايين عنا على الغداء و في عمي عامر كمان إجا معاهم (( جاي زيارة أسبوع من الأردن )) ،، على الساعة 5:30 تقريباً كان في خبر عن الصين ،، إلا عمو عامر قال // هالصينيين إكتسحوا العالم ،، فسأله عمو مالك :: إنت شفت السوق الصيني في دبي – Dragon Mart ؟؟

قال لأ ،، إلا الوالدة و مرت عمي قالوا يلا نروح و يلا ويلا و أنا بدز فيهم عشان يروحوا 😀 ،، و يوم قرروا يروحوا قلتلهم أنا ما بحب أروح علي دبي و أزمتها و اللفلفة في الأسواق 😀 << نذالة ،، خخخخخخخخخخخخخخـ.

هم راحوا من هون و أنا ضليت على الإنترنت للساعة 11:30 تقريباً و بعديها طلعت آخذ لفة بشوارع أبوظبي ،، على الساعة 12:11 الوالدة متصلة بتقولي شو وينك ؟؟ بقولها عم بتسكع في شوارع أبوظبي ،، قالتلي لحالك ؟؟ قلتلها يس لحالي بدي أغير جو شوي ،، إلا أختي الصغيرة (( هديل )) ماخذة التلفون من الوالدة و بتحكيلي :: جبتلك هدية شغلة لإلك ،، قلتلها شو هي ؟؟ قالتلي مفاجأة للما نوصل إن شاء الله ،، قلتلها شغلة بتخص الكمبيوتر يعني ؟؟ قاللتلي :: ما راح أحكيلك ،، قلتلها :: تنشوف ،، و قلتلها أعطيني ماما لو سمحتي ،، رجعت حكيت مع الوالدة و قلتلها شو الهدية ؟؟ قالتلي هديل حكتلي ما أحكيلك ،، بس هي هدية راح ” تطيرك من الفرح ” ،، أول ما قالتلي الوالدة ” تطيرك ” ،، قلتلها جبتولي طيارة بالريموت كنترول ؟؟؟؟؟؟؟؟؟؟؟؟؟

قالتلي بنحكي بعدين إن شاء الله ،، و قبل ما تسكر سمعتها بتحكي لهديل :: أسامة عرف شو هي الهدية << هع هع هع هع هع شفتوا كيف في عندي حاسة سادسة الحمد لله

لولولولولولولــــــــــــــــــــــــــــــيش

رجعت أدور باركينج و كتبت الموضوع على السريع الحمد لله ،، و قعدت أستناهم للما يوصلوا عشان أنزل صورتها إن شاء الله ،، و أكيد لما أطلع أجربها راح أصورلكم إياها إن شاء الله ،،

صورتها

بس إن شاء الله ما تنكسر معي ،، الله يستر

 

 

 

 

2079 Total Views 2 Views Today