كأس الخليج 18

اليوم إن شاء الله بدها تبدأ كأس الخليج 19 بمسقط – قبل هذا ،، بنقدم واجب العزاء لأخونا اللاعب إسماعيل مطر إللي توفى والده السيد  مطر إبراهيم الجنيبي اليوم العصر ،، الله يرحمه و يغمد روحه الجنة – إن شاء الله – ،، على سيرة كأس الخليج ،، بتتذكروا البطولة إللي كانت من سنتين في الإمارات ؟؟

يا الله ،، كانت أيام والله ،، بدأت البطولة بتاريخ 17-1-2007 ،، بتذكر التاريخ منيح لأن كان آخر إمتحان عندي في الفصل الأول في الجامعة :sd: :sd:  ،، كثير أشياء كانت حلوة بهديك البطولة ،، أولها التنافس طبعاً بين المنتخبات على الكأس الأهم ضمن البطولة – باعتبار إن البطولة كان معاها ألعاب مصاحبة مثل كرة اليد و الطائرة –

هاي البطولة كان أحلى ما فيها ” إسماعيل مطر ” صحيح إن إسماعيل مطر معاه 10 لاعبين ،، بس كان له دور كبير بعد فضل الله بالفوز باللقب بالأهداف ال5 إللي سجلهم في الخصوم ،، كانت أيام والله ،،

الصورة لإسماعيل مطر ضمن منافسات كأس العالم للشباب – الإمارات 2003 – بعد تتويجه بجائزة أفضل لاعب – من تصويري

الجمهور كان روعة كثير في كل المباريات ،، سواءً مباريات المنتخب الإمارات أو حتى المباريات إللي ما كانت الإمارات طرف فيها ،، حتى بتذكر نشوان إجا بدو يروح على مباراة السعودية و العراق يمكن بنادي الوحدة و كان الملعب FULL و ما قدر يحضرها !!

كانت أيام والله ،،

كان كل شي حلو ،، قبل الدورة و أثناء الدورة و المسيرات إللي بعد الدورة ،، ما عدا موقف الكابتن محمد عمر يوم مسك الكأس !!!! كإنه كأسه لحاله !! مسكه و ما خلاّ حدا من اللاعبين يمسكوه ،، كثير ناس انتقدوه على هاي الحركة !!

يومها بتذكر كنا كل يوم مسيرة مسيرة مسيرة مسيرة مسيرة ،، الشعب ما كان عنده شغلة غير المسيرات هذيك الأيام ،، بتذكر أختي الصغيرة هديل بعد مباراة السعودية قالت بدها إياني أطلعها على المسيرة ،، نحن بيتنا إشارة وحدة عن الكورنيش ،، مريت أخذتها و طلعنا على المسيرة ،، بس شافت الشباب عم بلعبوا بالسيارات و بنفلوا ،، صارت تبكي و تبكي و تبكي و تصرخ بدها تروح على البيت ،، و الناس يمروا من جنبينا و يقعدوا يضحكوا عليها ههههههههههههههههههههههههههه

و المشكلة كان الواحد كل نص ساعة بتحرك متر !! بعد ساعة و نص لقدرت أوصل للإشارة الثانية و أروح على البيت

كانت أيام والله ،،

تنشوف ،،

بتنعاد هاي السنة ولا لأ ؟؟

شو رأيكم ؟؟

1781 Total Views 1 Views Today