أخضر يا حبيبي أخضر

صرنا باليوم الثاني من الرحلة ،، وين رجنا ؟؟ و وين إجينا ؟؟ وين لفلفنا ؟؟ أهم شي صحيح  >>  كسرنا الروتين إللي قلنالكم عنه ولا لأ ؟؟ شفنا شي أصفر ؟؟ ولا بعده كله أخضر صحيح ؟؟

ع الساعة 11 و ربع الصبح ،، حسيت إن في شي عم بصير (( أنا عم حسك غريب ضايع مني ضايع حدي و عم بدور عليك )) << كإني إندمجت الزيادة عن اللزوم 😛 .. المهم ،، حسيت إن في حدا عم بخبط على باب الغرفة ،، بس ما كنت عارف هو أنا بحلم ولا بعلم ،، لما سمعت إسمي ،، تأكدت إن الموضوع عن جد ،، فتحت الباب ،، طلعتلي (( مدبرة المنزل )) بتقولي الفطور جاهز ،، يعني ما عرفت شو بدي أحكي ساعتها ،، أنا مبسوط بالنومة و هي يا حرام مبسوطة إن الفطور جاهز ،،

أفطرنا و خلصنا و ” يلا تجهزوا ” ،، أ-ب-ت قال يدو يروح يعمل رياضة في الـGYM << لا تعليق بصراحة يعني ..

نزل هو و المرافق هناك ،، و باقي الشباب نزلوا على آسيما سنتر :

و طلعت أنا و (( السائق )) في جولة سريعة في الرباط ،، طبعاً التصوير كان هاي المرة بالكاميرا العادية و التلفون و الفيديو << عشان ما تفوتنا لقطة !!

وصلنا لمنطقة إسمها ” شالة ” ،، على يسارنا كان في قصر الملك ،، لاحظت إنه كبير ” زيادة عن اللزوم ” و فيه بنايات صغيرة على جنب قفالي السواق إن سكن الموظفين و العاملين في القصر و الدرك و الحرس الشخصي كل مكاتبهم داخل سور القصر ..

وصلنا لعند شالة ،، و أترككم مع صورها ::

يا عمي تعبت و أنا بحكيلكم شوفوا الـ ” خضـــــــــــــــراء ” // ما شاء الله ، ما شاء الله

(( ملاحظة // لمعرفة معلومات إضىافية عن شالة ،، اضغط هنا لو سمحت ،، أو هون إذا بدك ))

كملنا لجوا المدينة شوي

وصلنا لعند منطقة ” حي حسان ” ،، هذا الحي فيه مكانين جنب بعض يعتبروا من معالم الرباط // صومعة حسان ، و ضريح الملك //

هاي صومعة حسان (( تاريخ الصومعة ))
http://www.osamazaid.com/files/morocco/day2-09.jpg

http://www.osamazaid.com/files/morocco/day2-10.jpg

و هذا مبنى الضريح من الخارج و صورة الحراسة

http://www.osamazaid.com/files/morocco/day2-11.jpg

http://www.osamazaid.com/files/morocco/day2-12.jpg

دخلنا لجوا الضريح

طبعاً مثل ما راح تلاحظوا في الصورة ،، في 3 أضرحة ،، واحد في النص ،، و إثنين في الزوايا العليا ،، – على ذمة السواق – إللي بالنص خاص بالملك الحسن الثاني (( والد الملك الحالي محمد السادس )) و إللي فوق على اليمين خاص بالملك محمد الخامس ،، و إللي على اليسار ضريح ” سيدي عبد الله ” أعتقد إن جد الحسن الثاني ” ،، المكان بصراحة فيه فخامة رائعة جداً – ما شاء الله –

http://www.osamazaid.com/files/morocco/day2-14.jpg

http://www.osamazaid.com/files/morocco/day2-15.jpg

الصور لحالها بتعبر عن الفخامة

http://www.osamazaid.com/files/morocco/day2-16.jpg

http://www.osamazaid.com/files/morocco/day2-17.jpg

http://www.osamazaid.com/files/morocco/day2-18.jpg

هدول أول شي انتبهت إن الشاب صور البنت ،، بعدين البنت كانت عم بتصور الشب ،، لما خلصوا دخلت عرض و قلتلهم أعطوني أصوركم مع بعض ،، فرحوا والله 😀

http://www.osamazaid.com/files/morocco/day2-19.jpg

مبنى الضريح من الخارج
http://www.osamazaid.com/files/morocco/day2-20.jpg

و الحرس طبعاً في كل مكان
http://www.osamazaid.com/files/morocco/day2-21.jpg

سيّــــــــــــــــــاح
http://www.osamazaid.com/files/morocco/day2-22.jpg

http://www.osamazaid.com/files/morocco/day2-23.jpg

صومعة حسان من الجهة الاخرى
http://www.osamazaid.com/files/morocco/day2-24.jpg

الحلو إني لما كنت بدي أتصور ،، ما كان في غير السواق يصورني ،، فقلتله كيف يصور و الزاوية تكون واضحة و هاي الأمور ،، فبس نمر جنب مكان ،، بقولي صور هاي حلوة و هاي حلوة و هاي من الزاوية الجانبية بتكون أوضح 😀 😀

وصلنا لعند الشباب – طبعاً متأخرين عليهم – و ضلينا علطول مروحين على البيت

====

وصلنا على البيت ،، قعدنا شوي نتفرج على مباريات كأس الخليج ،، كانت المباراة بين عمان و العراق ،، تغدينا ،، و كمان مرة ” يلا اتجهزوا ” !! قلتله لـ أ-ب-ت ،، بدكم تطلعوا هسه ؟؟ قالي عندك شي يعني بدك إيانا نأجل الطلعة ،، قلتله حشى شو بدو يكون عندي هون 😀 ،، بس بعد 5 دقايق بدها تبدأ مباراة الجزيرة و الوصل ،، قالي مو مشكلة إنتوا تجهزوا على كل حال و بنطلع على راحتنا ،، بدأت المباراة ،، حط الجزيرة الجول الأول ،، حط الجزيرة الجول الثاني ،، خلص بكفي ،، يلا شباب ،، رجعنا رحنا << حلوة هاي ،، مثل ” تعال روح ” 😛 ،، رحنا على الميجا مول ،، و كمان مرة ” 4 نص نص ” عند أرماندو كافيه

http://www.osamazaid.com/files/morocco/day2-26.jpg

شفتوا ” سيدي علي ” ؟؟ لا تحلموا تشوفوا نوع مي غيرها المغرب !! بس لو أعرف مين سيدي عليه إللي فارض عليهم المي فرض !!

رحنا بعدين على سوق شعبي إسمه ” السويقة ” ،، بتلاقي فيه مباني قديمة و شي جديد و بسطات في الشارع و قهاوي قديمة ،، هون آسف ما صورت كثير بالكاميرا العادية ،، كله كان بالفيديو 🙂

http://www.osamazaid.com/files/morocco/day2-27.jpg

لما كنا بالسوق ،، واحد من الشباب ” إنحصر ” و صار بدو يروح على الحمام ،، و دور هون و هون و هون إنك تلاقي شي زي الناس ،، مشي الحال معاه بعدين الحمد لله ،، بس كان رشيد عم بتمسخر و بعلق ،، و مو عاجبه الوضع !!

ما طولنا كثير هون ،، كانت زحمة و كله بدفش ببعضه

و كمان مرة لليوم الثاني ” تكرر الروتين ” يعني قبل شوي أرماندو كافيه ،، و هلأ كمان مرة PAUL !!

وين النكتة بالموضوع << أقولكم بس ما تزعلوا 😛

النكتة إن لما صرنا عند باب PAUL ،، رشيد حس إن عنده إسهال و صار بدو يروح ههههههههههههههههههههههههه
من هون لهون و ما راح نطول و تستاهل و كل كيك يمكن يمسك معدتك شوي 😀
<< عشان تتعلموا :: من عايب > ابتلى

http://www.osamazaid.com/files/morocco/day2-28.jpg

http://www.osamazaid.com/files/morocco/day2-29.jpg

وصلنا للبيت ،، غسلنا ،، و تعشينا ،، و كل واحد بلش على اللابتوب و الشيبس 🙂

يعني هاي الكافيه و PAUL صارلنا يومين لازم نمر عليهم ،، تنشوف شو بصير معانا بكرا إن شاء الله !!

1508 Total Views 1 Views Today