أسامة بن زيد

سيداتي سادتي ،، ولا أقولكم ،، لا ،، سادتي سيداتي أحلى ،، نعاود من جديد نشر تدويناتنا من المغرب العربي و ذلك بعد انقطاع عن البث لمدة يوم واحد بسبب وعكة صحية سريعة تعرضنا إليها ع الماشي و ع السريع و ع الطــــــــــــــاير كمان !!

بكرر أسفي – و ليس اعتذاري يعني – على التأخير في الموضوع ،، بس كانت ليلة برد زيادة شوي و اضطرينا نشغل الدفاية يعني !!

نحن بعدنا ماضون في المسيرة و الرحلة في الرباط ،، رغم إن في تكرار في بعض الأمور ،، بس فعلاً في شي بضل يخليك // سارح عقلك // بهالبلد والله ،،

يوم الخميس بعد ما صحينا و غسلنا و أفطرنا و لبسنا و طلعنا ،، مر أول شي أ-ب-ت على البنك

مرينا جنب فرع ثاني لهالبنك ،، بتعرفوا مثلاً في أبوظبي في عنا بنك أبوظبي التجاري ،، فبتلاقي مثلاً أبوظبي التجاري للأسهم ،، أو أبوظبي التجاري العقارية ،، بس جنب فرع ثاني لهذا البنك ،، لقيت ” التجاري وفا للمفروشات ” !!!

و طبعاً طبعاً طبعاً يعني ،، ما بصير نصحى الصبح بدون ما نروح عند

عند

عند

عند

عند مين يا ترى ؟؟

عند أرماندو كافيه !!!!!

و كالعادة و لليوم الثالث على التوالي (( 3 نص نص)) << كان في واحد بعده نايم في البيت :P

=============== إهداء إلى من يهمه الأمر ===============

ريان أبو الحسن و يوسف قدورة ،، كمان مرة هذا إهداء خاص لإلكم ،، المرة الماضية كنا في راس الخيمة و أهديناكم شارع المعمورة

هاي المرة في الرباط ،، إحزروا شو أهديناكم ؟؟

=============== ===============

بتعرفوا شو هذا ؟؟ لا مفر منه !! ذكرني بيوم السفر ،، أكلت رادار من رادارات دبي الجديدة

بس شوفوا حتى الرادار محطوط في منطقة كلها ” خــــضــــــراء ” ،، مو بين الشارعين في نص الصحراء ..

قلنا بعدين نلحق نرجع عشان نتابع ملارات المنتخب ضد قطر ،، فـ ونحن مرينا على كم مبنى حلو ،، منهم إللي بالصورة هاي //  توقعوا هذا مبنى شو ؟؟ إللي بحزر إلو هدية مني :-)

وصلنا على البيت و المعنويات مرتفعة للمباراة بس للأسف خلصت تعادل صفر – صفر << بس ما يطلعلي حدا Silly و يقولي مين جاب الصفر الأول إيــــــ ع

بعد الغداء طبعاً لازم الجولة الثانية في الكافيه !!

أول ما طلعنا ،، قلتلهم أنا بقعد قدام عشان أعرف أصور على راحتي ،، عند الإشارة إللي عند المول ،، شفت شرطي و إجا على بالي أصوره والله ،، صورت صورتين ما طلعوا واضحين كثير ،، و الثالثة ثابتة طبعاً !!

بس صورته ،، أنا انتهبت إنه انتبهلي فنزلت الكاميرا ،، إجا لعنا ،، نزل السواق (( فتــــــاح )) الشباك ،، قاله ليش تصور ،، ممنوع التصوير ،، وقف هنا ،، فتــــــاح قاله لا ما كان يصورك و ما بعرف شو ،، هون عاد ولعت الأمور مع أ-ب-ت و قاله للشرطي // و خير يا طير ،، وصورك ،، منو إنته ؟؟ يعني مصور شخصية معروفة هو ولا تتحرى عمرك الـمـ** ؟؟ قال الشرطي كيف تكلمي بهاي الطريقة و أنا بتصل بالدورية ،، رد عليه و قاله إنت إللي احترمك نفسك يوم تكلمنا ،، نحن مب يايين عندك ،، ضيوف عند **** مو عندك ،، (( طبعاً الكل منا قاعد ساكت ما عدا أ-ب-ت )) رد عليه الشرطي و قاله لا ما تحرك السيارة ،، قاله أ-ب-ت شو تفكر الموضوع فوضى توقفنا ؟؟ ولا ما في حدا يوقفك !! شاطر توقف الناس و **** **** ؟؟ – هون تدخل فتــــــاح و قاله خلص إمسحها فيني ،، سكت الشرطي و ضلينا مكملين الطريق على المول ،، بس خلص ،، باقي إللي صار بعدين بتعرفوه :E: :E:

بس فتنا على المول قلناله يا أ-ب-ت خلينا نبدل شوي حفظنا الكافيه ،، صباحاً و مساءً عنده ،، قمنا بدلنا الكافيه و رحنا على واحد ثاني ،، بس كمان طلبنا منه 4 نص نص خخخخخخخخخخـ :cafe: :cafe:

يلا يا جماعة الخير ،، حاولوا تتذكروا شو الشغلة إللي صار وقتها هلأ ؟؟

ممممممم نسيتوا ؟؟ ولا بعدكم متذكرين ؟؟

P

A

U

L

طلعنا و قلنا بس ع السريع نمر نوخذ معانا كم كيس شيبس و حلويات شوي من عند آسيما :sun: :sun:

و توتة توتة ،، خلصت الحتوتة ،، حلوة ولا فتفوتة ؟؟

جاملوني و قولوا // حلوة كثير أسومة :U: :U:

صحيح إن الموضوع طويل شوي لأنه متضمن أحداث يومين ،، بس كان يوم الجمعة حلو :) ،، كملوا و شوفوا لو سمحتوا

طبعاً ما في شي نصبح فيه يوم الجمعة أفضل من ذكر الله :)

يا ويلي على المنظر أنا بس ،،  ” خــــضــــــراء ” ما شاء الله

أ-ب-ت قرر يروح على النادي شوي فقلنا نطلع نحن بجولة سريعة في الرباط عبين ما يخلص

هذا مبنى المنظمة الإسلامية للتربية و العلوم و الثقافة – إيسيسكو – ISESCO يمكن البعض منكم بتذكر إن درسنا عنها أعتقد في مادة التربية الوطنية زمـــــــــــــــــــــــــــان كثير و قالولنا إن مقرها الرباط ،، سبحان الله ،، بعد أكثر من 10 سنين شفتها على الطبيعة :20: :20:

إحم إحم ،، بس حبيت أذكركم شوي (( ” خــــضــــــراء “))

المشوار هذا كنا مخصصينه لزيارة بحر الرباط ،، كنت حاب أشوفه بصراحة و أشوف جماله

هذا مركز مبيعات شركة إعمار الإماراتية

على فكرة بس ،، الشعب المغربي ،، لما نكون قاعدين في الكافيه ،، لاحظت إن حريمهم بدخن أكثر من رجالهم !! كله سجاير سجاير سجاير !!

هذا Business Center جديد عم ببنوا فيه

ذكرتلكم إني كنت حاب أشوف جمال بحر الرباط ،، بس بصراحة إنصدمت فيه جداً جداً جداً ،، يعني المعروف في كل بلاد العالم (( أو معظمها على الأقل )) إن منطقة البحر و الشاطئ تعتبر من أنظف و أرقى المناطق ،، ما عدا في الرباط !! يعني الصورة إللي تحت هاي ،، هذا سور ممدود على طول الشاطئ تقريباً ،، كلها بصراحة بتقدروا تقولوا عنها باختصار إنها ” خرابة ” و الناس ساكنين فيها !! فعلاً منظر بصدم بصراحة ،، سألت أحد المرافقين إللي معانا إن كيف بعد في هيك شي هون !! قالي حالياً في مشروع كبير لتنظيف هاي المنطقة و الناس إللي ساكنين فيها بدهم يودوهم ” البوادي ” يشتغلوا بالفلاحة و يحسنوا وضعهم بدل أسلوب الحياة إللي عايشين فيه هون إللي تأثيره سلبي على المنطقة و على الناس نفسهم ،، دققوا في الصورة و شوفوا :

لافتة أعجبتني ،، إذا اللافتة هيك ،، فكيف الشعب ؟؟

هون على فكرة المدارس بتعطل سبت و أحد :think: :think:

إلتم شمل الأسرة ،، و طبعاً الغداء لازم في البيت ..

جولة بعد الظهر اليوم كانت مميزة شوي

قالي أ-ب-ت بنسير ” القلعة ” و إن شاء الله بيعجبك المكان و بتصور على راحتك :)

و صدقت يا أ-ب-ت

هـــــــيــــــه يا بحر

القلعة هاي فيها شغلتين مميزتين ،، الأولى إن جواتها نفس مدينة قديمة حلوة ،، ذكرتني ببعض الصور إللي كنت أشوفها لليونان ،، هاي الحارات ،، بسوريا بسموها ” زواريب ” ،، بالمغرب ” زنقات ”

تشكر على جهودك يا شيخ رشيد على تعاونك المستمر في التصوير ،، تعبناك معانا

شوفوا هذا المقلب ،، مخدع هاتفي ،، عادي يعني تعمل إتصال يطلعلك واحد من السماعة يقولك // قول باي للكاميرا الخفية ههههههههههههههههههههههه :U: :U:

نحن قلنالكم شو الميزة الأولى في هاي القلعة ،، بس ما قلنالكم شو الثانية ،، و ولا حدا منكم كلف حاله و سأل ،، يلا مو مشكلة ،، سماح هاي المرة ،، وضلوا عيدوها عشان أضل أسامحكم ،، الميزة الثانية هي إن هاي القلعة حسيتها قلعة العشاق !! ما شفت شاب ماشي مع صاحبه ،، أو وحدة ماشية ما صاحبتها !! ما في غيرنا نحن ياحليلنا !!! يلا مو مشكلة ،، فداهم للشباب ،، في صورة ثانية ممنوع للنشر للأسف يعني :P

و YEAH BABY YEAH

بكفيكم ،، طويل كان الموضوع كثير ؟؟ حسيت حالي عم بكتب قصة قصيرة ،، بس الظاهر حتى القصص القصيرة صار إلها أجزاء :10: :10:

تصبحوا على خير ،، و السلام عليكم و رحمة الله و بركاته

هذه التدوينة ادرجت بتاريخ 9 يناير 2009 في الساعة 11:59 م ضمن تصنيف فلاشات, لعب لعب لعب. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.