شوفوا يا جماعة الخير ،، يعني أكيد صرتوا بتعرفوا كثير منيح قديه أنا إنسان بسمع الكلام و بسمع النصيحة و سلس في التعامل و ما في أطيب من قلبي ،، صح ؟؟

ههههههههههههههههههههههههههههههههههه

السلام عليكم و رحمة الله و بركاته

مرحباً يا قوم .. كيف حالكم ؟؟

ههههههههههههههههههههههههههههههههههه

<< أنا عن نفسي شخصياً ما صدّقت الصفات إللي حكيتها عن حالي قبل شوي ..

المهم ،، زي ما إنتوا شايفين بالصورة إللي تحت ،، كان عم بحكي معي أخونا عادل الكثيري ،، طبعاً هو كان معانا بجامعة الإمارات ،، و كنت أشوفه دايماً من بعد التخرج ،، بس الله وكيلكم من لما تزوّج ما شفته غير مرتين ،، و المرتين كانوا في مكان الشغل كمان >> الله يستر ما نصير نحن نفس الشي بعد الزواج ..

الموضوع و ما فيه – و بكل تواضع – عادل ثاني شخص بشد عليّ كثير بموضوع النقوط ،، إحم إحم ،، لا أنا بستحي هيك خخخخخخ ،، الشخص الأول كان أخونا / س / .. و س كثير شد بصراحة و حطني بموقف محرج ..

إن يعني س و عادل كثير شدوا بموضوع النقوط ،، و أنا – على أساس – خجلت منهم هههههههههههههههه ..

الشعب اللبناني عنده حركة جميلة بمسألة / جمع النقوط / للعرس ،، بتعرفوا شو بعملوا ؟

<< للدقة يعني // الحركة أمريكية بس لطشوها عيال الفينيقيين ( اللبنانيين ) 😀 😀

بس هي حلوة الحركة يعني 🙂 🙂

بحطوا رقم حساب البنك في بطاقة الدعوة !!

و في حركة ثانية ،، مثلاً بروحوا على هوم سنتر ( مش عم بعمل دعاية للمحل والله ) أو محل كهربائيات مثلاً ،، و بشوفوا شو الأغراض إللي بدهم إياها ،، و بعملوا قائمة بهاي الشغلات و بخلّوها بالمحل ،، و بحكوا لأصحابهم إن قائمتهم موجودة بالمحل الفلاني و المحل العلاني ،، و بروحوا أصحابهم بشترولهم من هاي القائمة ،، كل واحد حسب إمكانياته طبعاً ..

الموضوع فيه حكمة ،، و على سيرة حكمة ،، هي من هلأ عم بحكي ،، و ما تقولوا أسامة ما قال ،، الله يعينه إللي بدو يجيبلي طقم فناجين !! هههههههههههههههه من شان الله ،، جبتهم أنا من هلأ و خلصت ،، و جبت طقومة كاسات كمان !! و صواني فرن كمان جبت ..

المهم ،، عملاً بالصورة إللي شفتوها قبل شوي ..

عادل بقولكم / بس هذا الواجب ..
و أسامة بقولكم / إعملوا الواجب منيح معاي ،، إحم إحم ،، ما أعتقد إن قصّرنا مع حدا #تواضع ..

عادل بقولكم / لو مخبرني كنت دفعت عند المهر ..
و أسامة بقولكم / وينك من قبل ما أدفع ياخي خخخخ ،، ما بصير : reimbursement ؟؟

عادل بقولكم / و خلي ويهك لوح
و أسامة بقولكم / إبشررررر ،، لوح و من الطراز الثقيل كمان !!

عادل بقولكم / راح يزعل إذا عرف إني أخذت دين ولا قرض ..
و أسامة بقولكم / معقولة أعملها و إنتوا موجودين ،، آخذ من البنك قرض و أنا بقدر آخذهم هدية ليش ؟؟ ههههههههههههههههههههههه

عادل بقولكم / الله يوفقك ..
و أسامة بقولكم / كلنا بصوت واحد : آمين يا رب و الجميع إن شاء الله ..

عادل بقولكم / راح تطلعلي مفاجآت ..
و أسامة بقولكم / معاً تتغيّر الدنيا خخخخخخخ ..

عادل بقولكم / اذكرني بس تتأزم الأمور معاك ..
و أسامة بقولكم / متذكرك في كل الظروف #كيف_بس ..

عادل بقولكم / شو هي الفكرة الخطيرة ؟؟
و أسامة بقولكم / إستعدوا !!

الفكرة هي إني عشان أسهّل عليكم موضوع النقوط و ما تتعبوا فيه كثير و ما تحتاروا شو تجيبوا ..

أنا راح أكتبلكم هون كل الشغلات إللي بدي إياها إن شاء الله للبيت ،، قولوا في شغلات مش بحاجتها ( على الأقل لغاية لحظة كتابة هذا الموضوع ) مثل التلفزيون و الغسالة و المايكروويف لأنه عندي إياهم الحمدلله 🙂 🙂 << شفتوا كيف بسهّل عليكم ..

طيب ،، راح أحط قائمة الشغلات ،، و راح أحط تكلفة كل وحدة منها ( تقريبية ) .. يعني في شغلات شفتها و شغلات لسه ما شفتها .. بس إن في ميزانية تقريبية للموضوع .. و راح أحط جنبها مكان فاضي راح ينكتب فيه إسم / مقدّم النقوط / إن شاء الله ،، طبعاً ممكن ما ننشر الإسم إذا كان في طلب يعني من / مقدّم النقوط / لهاي الشغلة .. ولا بتعرفوا شو ،، مش راح أكتبه بالمرة ،، راح أكتب بس أول حرفين عشان أعرف مين هو يعني .. من باب تذكّر الشيء و حفظ الواجب و رد الدين 🙂 🙂

و كمان راح أبعث رقم الحساب للشخص إللي حابب ينقّط بشغلات مش موجودة بهاي الليستة ..

راح أحط رقم الحساب و أخلص !!

و حابب أحكيلكم شغلة مهمة كثير ،، موضوع النقوط إختياري ،، هلأ هو مش إختياري إختياري ،، فيكم تعتبروه إجباري إلا شوي !! عيب عليكم يعني !! سهلوا الأمور على الناس و يسّروا ولا تعسّروا 😀 😀

و طبعاً عشان نردلكم إياهم في مناسباتكم كمان طبعاً إن شاء الله 🙂

و كمان في شغلة مهمة ،، قبول النقوط كمان إختياري 🙂 يعني لا تستغربوا إذا رفضت النقوط من بعض الناس ،، مممممممممم ،، مو عارف كيف بدي أعبرلكم ،، بس بعدين بتصيروا تفهموا فكرتي وين بالموضوع إن شاء الله ..

أه صحيح ،، العملة المستخدمة هي الدرهم الإماراتي ،، قسموها على 5.19 و بتعرفوا القيمة في الدينار الأردني ،، أو على 3.68 للدولار الأمريكي ..

و عادي مثلاُ تنقط بجزء من المبلغ ،، مش لازم المبلغ كله والله .. المهم المساهمة يعني 😀 😀

و برجع بحكي ،، الموضوع ما فيه إحراج ،، مجرد تنظيم 😀 😀

أصلاً كنت عم بتناقش مع أخونا محمد حمزة و كان موضوع النقاش إن أكتب القيمة تبعت الغرض ولا لأ ؟ قلت بعدين نحاول نكتب قيمة تقريبية ،، مع كمان التسهيل على الناس ،، يعني مثلاً مثلاً مثلاً ممكن واحد يقول / الصالون عليّ / ،، و ما عندي مشكلة بروح معاه و بنختار الصالون و ساعتها شو ما كانت تكلفته بتكون عليه 🙂

واضحة اللعبة ؟؟ قصدي التعليمات واضحة يعني ؟؟

على بركة الله نبدأ ::

 

شو بدي ؟ القيمة التقريبية مين المنقّط ؟
المهر – المقدم تم الدفع إلا شوي
المهر – المؤخر الله لا يحيجنا لإله
العرس 40000 هيني عم بدفع
شهر العسل 25000 15000 AMKY
تذاكر شهر العسل سيشل
المصحف و سجادة الصلاة .. على راحتكم A.K
بدلة العرس تبعتي !! 1500 M.H
الصالون 4200 R.H
متفرقات ديكور للصالون 1500
طاولة تلفزيون و ريسيفر 1500
ستائر 4500
التلفزيون عندي الحمدلله
قطع سجادات 2000 K.K
طاولة سفرة 3000 L.M
غرفة النوم Open A.K
متفرقات ديكور لغرفة النوم 1000
ثلاجة للمطبخ 2700
أدوات المطبخ 500
الغاز – الطباخ 3500 2000 Y.Q
1500 H.M
+500 H.M
طقم طناجر 700
مايكروويف عندي الحمدلله
كهربائيات للمطبخ 2000
غسالة عندي الحمدلله
نشافة 3000 A.J
كوولر ماء 500 H.B & H.H
مكنسة كهربائية 400 H.B & H.H
حماصة – تبعت سندويشات 200 H.B & H.H

 

و بعد كتابة الموضوع ،، و التنقيح و المراجعة ،، قلت أعمل قائمة جديدة للأمور الزيادة ،، طبعاً هاي بس نخلص من الليستة إللي فوق ،، بنروح عليها – إن شاء الله 🙂

 

شو بدي ؟ القيمة التقريبية مين المنقّط ؟
Home Theatre 600
البلاي ستيشن 4 1800
عجانة و خلاط و عصارة و كله 3000
سيارة صغيرة للمدام هههههههههههههه بمزح بمزح >> بلاش حدا يمزح معاي و يقولي بدك إياها بريموت كونترول ولا بسلك ؟؟ على راحتكم عاد !!

 

و هاي معلومات الحساب ،، يا ريت لما يوصلني شي ،، حدا يحكي ،، عشان أعرف من مين !! و أعرف إذا راح أقبلها ولا أرجعها !!

 Bank: National Bank of Abu Dhabi – UAE
Name: Osama Zaid Mah’d
Account No.: 6203265662
IBAN: AE050350000006203265662
Branch: Main
Swift: NBADAEAA

شاكرين لكم حسن تعاونكم ،، و إن شاء الله بنشوفكم في العرس 🙂

و إذا حدا عنده أي إقتراح أو شكوى ،، يا يشاركنا فيها بخير ،، يا يقعد و يستريح و بتجيه الدلة إن شاء الله 🙂

.. و السلام عليكم و رحمة الله و بركاته ..

=================================

آخر تحديث // 12-03-2015 //

5000 S.A
2500 W.Z
500 A.L
1000 A.Q
1000 + طقم شاي A.N
3000 G.H. & R.K.
500 A.A
500 A.T
طقم ذهب M.H
إكسسوارات للبيت G.S
1000 J.A

5901 Total Views 3 Views Today